Bæjarráð Vestmannaeyja lýsir vonbrigðum með að Landsbankinn geti ekki gefið skýr svör um hvort aðrir fyrrum stofnfjáreigendur fái viðbótargreiðslu, fari dómsmál á þann veg, að bankanum beri að greiða þeim stofnfjáreigendum sem höfðuðu mál á hendur bankans viðbótargreiðslu. Bæjarráð felur bæjarstjóra að koma þessum upplýsingum á framfæri við þá stofnfjáreigendur sem ekki eru partur af dómsmáli Vestmannaeyjabæjar, Vinnslustöðvarinnar og Lífeyrissjóðs Vestmannaeyja gegn Landsbankanum.

Eins og fram hefur komið sendi bæjarstjóri Vestmannaeyjabæjar bankastjóra Landsbankans hf. bréf, þar sem óskað var eftir afstöðu Landsbankans til þess hvort bankinn muni greiða öðrum fyrrum stofnfjáreigendum, sem ekki eru aðilar að dómsmáli Vestmannaeyjabæjar, Vinnslustöðvarinnar og Lífeyrissjóðs Vestmannaeyja gegn Landsbankanum, í samræmi við niðurstöður dómstóla fari svo að niðurstaðan verði sú að bankanum beri að greiða hærra verð fyrir stofnfjárhlutina

Í svarbréfi sem Landsbankinn sendi Vestmannaeyjabæ þann 5. febrúar sl., kemur m.a. fram að fari svo að endanleg niðurstaða dómstóla verði á þá leið að bankanum beri að greiða þeim þremur stofnfjáreigendum sem ákváðu að höfða mál gegn bankanum, mun bankinn meta fordæmisgildi slíks dóms gagnvart öðrum fyrrum stofnfjáreigendum, en vegna óvissu um endanlega niðurstöðu geti bankinn ekki gefið út frekari yfirlýsingu eða viðbrögð við slíkum dómi.
Þetta gæti haft þá þýðingu að þegar dómur liggur fyrir gætu hugsanlegar kröfur annarra fyrrum stofnfjáreigenda verið fyrndar og því þurfa þeir stofnfjáreigendur að meta hvort þeir hefji nú þegar mál gegn Landsbankanum.