Vel lítur út með Herrakvöld ÍBV handbolta sem haldið verður í Golfskálanum 5. apríl n.k. Halli Hannesar og Gústi Halldórs veislustjórar lofa miklu fjöri. Jói Pé mun fara yfir það helsta sem gengið hefur á í Eyjum sl. ár og átti að fara leynt. Þá mun Þorsteinn Guðmundsson mæta og svara loksins spurningunni eru álfar kannski menn.
Þá verður einnig myndasýning frá handboltapeyjunum, pílukast, púttkeppni o.fl. o.fl. Þá mun Einar Ottó Högnason stýra sippukeppni með löngu runinni og öllu saman.
Miðarnir renna út og þeir sem vilja tryggja sér miða hafa samband við Sigurð Bragason og Sigurjón Ingvarsson en ekki með neinum þjósti (fara vel að þeim).
Nefndin
