Fylkir // 72. árg. // 1. tbl // 1. maí 2020

// 7 Þegar rætt er um sjávarútveg í fjölmiðl- um eða samfélagsmiðlum þá fær maður stundum á tilfinninguna að við búum ekki öll í sama landinu. Sjávarútvegurinn er atvinnugrein semá einna flesta frumkvöðla og sprota á landinu. Nýsköpun Nýsköpun í greininni hefur verið mikil undanfarin ár. Nýsköpun í sjávarútvegi felst m.a. í bættri meðhöndlun afla, nýjum kæliaðferðum, sjálfvirkni, nýjungum í vöru- framboði og nýjum leiðumtil markaðssetn- ingar. Fjárfesting í nýsköpun er forsenda framfara í matvælaiðnaði. Framfarir eru mikilvægar til að halda velli á mörkuðum og sækja fram. Skiptir máli fyrir umhverfið Eitt lítið dæmi um stórt umhverfismál, þar sem sjávarútvegurinn hefur verið að gera vel, er skipaflotinn. Hann mengar mun minna en áður. Með nýjum skipum minnk- aði útstreymi gróðurhúsalofttegunda. Svig- rúm til fjárfestinga gerir greininni kleift að skipta eldri skipum út fyrir nýrri, spar- neytnari og afkastameiri skip. Pólitískur stöðugleiki mikilvægur Sjávarútvegurinn mun nú sem áður verða sú gjaldeyrisskapandi atvinnugrein sem veitir íslenska ríkinu mikilvægan efnahags- legan stuðning á erfiðum tímum. Eðlileg krafa er að íslenska ríkið skapi atvinnugrein- inni sanngjarnt umhverfi, bæði lagalegt og skattalegt sem gerir henni kleift að vaxa, m.a. með því að fjárfesta í tækjum og bún- aði sem gerir sjávarútveginn umhverfis- vænni, stuðla að nýsköpun og veita þannig greininni möguleika á að halda áfram að vera hreyfiafl landsins til framfara. Sjávarútvegur: Úr vörn í sókn TRAUSTI HJALTASON Bæjarfulltrúi Sjálfstæðisflokksins í Vestmannaeyjum