Day: 4. janúar, 2008

Samhugur og samstaða

Eitt megineinkenni uppgangstímabila í Vestmanna­eyjum er samhugur og samstaða. Má þar nefna til marks stofnun Bátaábyrgðarfélags Vestmannaeyja 1862, lagningu sæsímastrengs og bæjarlagnar 1911 og rafvæðingu skömmu síðar. Þá er glæsilegur vitnisburður um samtakamáttinn er Eyjamenn ­keyptu einir og sjálfir fyrsta björg­unar og varðskip Íslandinga 1920. Samstarf í bátakaupum og fiskvinnslu einkenndi meginhluta tuttugustu aldar. (meira…)

�?rettándagleði með hefðbundnu sniði

Þrettándagleði ÍBV-íþróttafélags hefst á Hánni klukkan 19.00 á morgun, laugardag en að þessu sinni fara hátíðahöldin fram 5. janúar, degi fyrr en venjulega. Hátíðahöldin verða með hefð­bundnu sniði. Bæjarbúar taka á móti jólasveinunum þegar þeir koma ofan af Molda og fylgja þeim upp á malarvöll þar sem kveikt verður í brennu og álfar og púkar […]

Gaujulundur, Skólalúðrasveitin, �?skar í Stór­höfða, Bókasafnið og Vosbúð hlutu styrki

Árleg úthlutun úr Styrktar- og menn­ingarsjóði Sparisjóðs Vest­manna­eyja, sem stofnaður var til minningar um Þorstein Þ. Víglunds­son fyrrverandi sparisjóðsstjóra, fór fram á dögunum. Er þetta í tutt­ugasta skiptið sem úthlutað er úr sjóðnum, en fyrsta úthlutunin var á Þorláksmessu árið 1988. Að þessu sinni hlutu styrkina Gaujulundur, Skóla­lúðrasveitin, Óskar Sigurðs­son vitavörður í Stórhöfða, Bóka­safn Vest­mannaeyja […]

Áhersla lögð á að viðhalda ógeðfelldri mynd arðræningja og kvótabraskara

Elliði Vignisson, bæjarstjóri hélt kröftuga ræðu við afhendinguna á Fréttapýramídanum sem fór fram á miðvikudaginn. Elliði sneri spjótum sínum m.a. að því umhverfi sem sjávarútvegsfyrirtækjum er búið og segir opinbera einkaaðila leggja áherslu að viðhalda ógeðfelldri mynd arðræningja og kvótabraskara. Þessi neikvæða ímynd hefur síðan stutt Alþingi í að beita sértækum skatti og álögum á […]

�?rjár frá ÍBV á U-16 ára landsliðsæfingar

Þrjár ungar og efnilegar handknattleiksstúlkur úr ÍBV, þær Vigdís Svavarsdóttir, Kataryna Hlynsdóttir og Rakel Hlynsdóttir, hafa verið kallaðar á æfingar hjá U-16 ára landsliði Íslands sem fara fram á höfuðborgarsvæðinu um helgina. Alls voru 56 stúlkur valdar til að taka þátt í æfingunum og þurfa Eyjastúlkurnar því að sýna sitt allra besta strax á fyrstu […]

Herjólfur fer seinni ferð í dag

Herjólfur mun sigla síðari ferð dagsins en fyrri ferð skipsins var frestað í morgun vegna veðurs. Samkvæmt veðurspá á vind að lægja þegar líður á daginn en á hádegi var vindhraði 26 metrar á Stórhöfða. Ölduhæð við Surtsey var rúmir sjö metrar klukkan tíu í morgun. (meira…)

Kominn tími á nýja áskorun

Miðjumaðurinn Ian Jeffs hefur gert þriggja ára samning við Fylki en hann hefur verið lykilmaður hjá ÍBV undanfarin ár. „Þetta hefur tekið svolítinn tíma, að ganga frá öllu og ég er ánægður með að hafa klárað þetta og fundið félag sem vill mig og ég hlakka til að byrja,“ sagði Jeffs við Fótbolta.net í dag […]

�?rjú skip leita að loðnu

Þrjú skip fara til loðnuleitar í dag og áætlað er að hafrannsóknarskipið Árni Friðriksson haldi úr höfn í sama tilgangi eftir helgi. Sjávarútvegsráðuneytið gaf út bráðabirgðaloðnukvóta í október uppá 205 þúsund tonn og þar af koma rúmlega 120 þúsund tonn í hlut íslenskra loðnuskipa. Aðalsteinn Jónsson fjölveiðiskip Eskju á Eskifirði leitaði að loðnu í desember […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.