Day: 7. september, 2008

Færri í atvinnuleit en á sama tíma í fyrra

Færri eru í atvinnuleit nú en á sama tíma í fyrra og enn vantar fólk til vinnu á ýmsum sviðum. Þetta segir framkvæmdastjóri Capacent ráðninga sem á ekki von á að atvinnuleysitölur hækki hratt á næstunni. Þrátt fyrir fréttir af samdrætti hjá fyrirtækjum og uppsagnir eru enn margir tilbúnir að ráða fólk í vinnu. (meira…)

Íbúum fjölgar og fjölgar

Íbúum Sveitarfélagsins Árborgar fgjkölgar enn. 1. september s.l. voru alls 7883 íbúar skráðir í Sveitarfélaginu Árborg sem er 3,6% fjölgun frá síðustu áramótum og er gríðarleg fjölgun miðað við landsmeðaltal. Skráðir íbúar á Selfossi voru 6520, í Sandvík 187, á Eyrarbakka og dreifbýli 609, á Stokkseyri og dreifbýli 558 og óstaðsettir voru 12. Alls voru […]

Sveitarfélagið styrkir Björgunarsveitina Mannbjörg

Föstudaginn 29. ágúst s.l. afhenti Ólafur Áki Ragnarsson, bæjarstjóri Sveitarfélagsins Ölfuss, félögum björgunarsveitarinnar Mannbjargar í Þorlákshöfn styrk sem bæjarráð samþykkti að veita sveitinni kr. 500.000.-. . Björgunarsveitin Mannbjörg vann mikið og gott starf í kjölfar jarðskjálftanna 29. maí s.l. og vilja bæjaryfirvöld sýna þakklæti sitt með þessu framlagi. (meira…)

Dragnótarafli í september

Hásteinn ÁR og Geir ÞH byrja báðir með yfir 30 tonna löndunun. Annars einkennist þessi fyrsti listi af Skjálfandabátunum og Bugtarbátunum. Enn t.d Örn KE, Arnþór GK, Benni Sæm GK svo dæmi séu tekin eru allir í Bugtinni. Athyglisvert er að sjá að Sæbjörg EA er strax kominn yfir 20 tonnin , enn Sæbjörgin EA […]

Tröllin úr Eyjum stálu senunni af Bubba og EG�?

Hápunktur Ljósahátíðarinnar í Reykjanesbæ var í gærkvöldi en þá var m.a. næstglæsilegasta flugeldasýning ársins og heilmikið um að vera í bænum. Talið er að um 50 þúsund manns hafi verið í bænum en senuþjófarnir í ár voru úr Vestmanneyjum. Nei, það voru hvorki Ásmundur Friðriksson, framkvæmdastjóri hátíðarinnar né Árni Sigfússon, bæjarstjóri Reykjanesbæjar heldur Þrettándatröllin. (meira…)

Aðalfundur Karlakórs Selfoss

Aðalfundur Karlakórs Selfoss verður haldinn í húsnæði kórsins að Eyravegi 67 á morgun mánudagskvöldið 8. september kl. 20:00. Á dagskrá verða venjuleg aðalfundarstörf. Í framhaldinu verður starfsemi kórsins á komandi vetri rædd. (meira…)

Byrjað á umdeildum vegi

Framkvæmdir eru nýhafnar við Lyngdalsheiðarveg milli Þingvalla og Laugarvatns. Vegagerðin samdi við lægstbjóðanda, Klæðningu ehf. í Hafnarfirði, sem bauðst til að vinna verkið fyrir sléttar 500 milljónir króna. Sigþór Ari Sigþórsson, framkvæmdastjóri Klæðningar, segir að fyrirtækið hafi byrjað vegagerðina upp úr miðjum ágústmánuði og brátt fari allt á fullt. Byrjað var að leggja vegtengingu frá […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.