Day: 20. september, 2008

Heimir vill halda áfram

Heimir Hallgrímsson þjálfari ÍBV segir að hann vilji halda áfram með liðið en liðið fékk bikarinn afhentar á Selfossi í dag og mun leika í Landsbankadeildinni á næstu leiktíð. „Það er ljúft að fá bikarinn, það er alltaf gaman að fá verðlaun. Það var leiðinlegt að tapa leiknum því það var ekki það sem við […]

Selfyssingar unnu en sitja eftir

Selfyssingar gerðu hvað þeir gátu í lokaumferð 1. deildar í dag, unnu ÍBV 3:1 en allt kom fyrir ekki. Stjarnan sigraði Hauka örugglega. 1:5 í Hafnafirði og héldu þar með öðru sætinu sem þeir náðu í næst síðustu umferð deildarinnar og fylgja ÍBV upp í efstu deild. Sigur Selfoss var nokkuð sannfærandi en heimamenn komust […]

Síðasti leikur sumarsins í dag

Deildarmeistarar ÍBV leika síðasta leik sinn í sumar þegar þeir sækja Selfyssinga heim á Selfoss. Að leik loknum fá Eyjamenn svo afhent sigurverðlaunin en ÍBV tryggði sér á dögunum sigur í 1. deild og um leið sæti í úrvalsdeild að ári. Selfyssingar hafa elt ÍBV í allt sumar og verið lengst af í öðru sæti […]

Stór laugardagur: Selfoss-ÍBV og Haukar-Stjarnan

Það skýrist í síðustu umferð 1. deildarinnar í knattspyrnu hvort það verður Stjarnan eða Selfoss sem fer upp með Eyjamönnum. Stjarnan sem er í 2. sæti leikur við Hauka á útivelli og Selfyssingar taka á móti deildarmeisturum ÍBV. Búast má við hörkuleikjum þar sem ekkert verður gefið eftir, en báðir þessir leikir eru í dag, […]

Selfoss sigraði á Seltjarnarnesi

Selfyssingar gerðu góða ferð á Seltjarnarnesið í 1. deild handboltans í gærkvöldi en aðkomumennirnir sigruðu lið Gróttu, 29:25. Var þetta fyrsti leikur beggja liða í deildinni en báðum er spáð góðu gengi. Var leikurinn þó afar kaflaskiptur og mikið var um mistök sem eðlilegt verður að teljast í fyrsta leik. Grótta komst snemma vel yfir […]

Afhjúpun minnisvarða Stefáns og Guðfinnu í Vorsabæ

Sunnudaginn 21. september n.k. kl. 15.00 verður afhjúpaður minnisvarði um hjónin í Vorsabæ, Guðfinnu Guðmundsdóttur og Stefán Jasonarson, í skógræktarreit Umf. Samhygðar við Timburhóla í Gaulverjabæjarhreppi hinum forna. Þau hjón voru bændur í Vorsabæ í hálfa öld og Stefán var frumherji í störfum fyrir samtök sunnlenskra bænda, ungmennafélags- hreyfinguna, umferðaröryggi og varðveislu þjóðlegra verðmæta. Árið […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.