Day: 7. nóvember, 2008

Frítt í sund á Selfossi og Stokkseyri.

Bæjarráð Árborgar hefur ákveðið að frítt verði í sund í Sundhöll Selfoss og sundlaugina á Stokkseyri fyrir börn og unglinga að 18 ára aldri. Þetta er frá og með 1. janúar n.k. Með þessari ákvörðun bætist Árborg í hóp nokkurra sveitarfélaga landsins sem gefa þessum aldurshópi frían aðgang að sundstöðum sínum. (meira…)

Eyjamenn ekki í vandræðum með Álftanes

ÍBV átti ekki í teljandi vandræðum með Álftanes í kvöld þegar liðin mættust í forkeppni Subwaybikarkeppninnar í körfubolta. Leikurinn fór fram í Vestmannaeyjum en eftir jafnan 1. leikhluta tóku Eyjamenn öll völd á vellinum í 2. leikhluta og voru yfir í hálfleik 42:25 en staðan eftir fyrsta leikhluta hafði verið 17:12. Eyjamenn héldu gestunum svo […]

Flugslysaæfing á Bakkaflugvelli á morgun

Flugstoðir standa á morgun fyrir flugslysaæfingu á flugvellinum á Bakka en um er að ræða sjöttu æfingu félagsins á síðustu tveimur árum. Æfð verða viðbrögð ýmsa viðbragðsaðila ef flugslys verður og taka um 85 manns úr ýmsum kimum samfélagsins taka þátt í æfingunni. Eins og áður er um margra mánaða undirbúning að ræða en Bakkaflugvöllur […]

Undankeppni Stíls 2008 í sal Barnaskólans í kvöld

Í kvöld fer fram undankeppni í Stíl 2008 en Stíll er hárgreiðslu- förðunar og fatahönnunarkeppni félagsmiðstöðva landsins. Þema keppninnar í ár er framtíðin en níu lið eru skráð til keppni í Vestmannaeyjum. Vinningsliðið mun vinna sér sæti í aðalkeppninni sem fer svo fram í Smáranum 22. nóvember. Undankeppnin í Eyjum verður haldin í sal Barnaskólans […]

Aldrei að gefast upp

Það er margt sem angrar landann þessa dagana í efnahagsmálum. Einn þingmaður lét þess getið að það sem við sæum núna, væri aðeins toppurinn í ísjakanum. Það er því nauðsynlegt að létta lundina af og til. Í myndbandinu hér á eftir leggur fólk upp með góðar meiningar, sem enda á grátbroslegan hátt. (meira…)

Ekki rétt að Vestmannaeyjabær leiti leiða til að segja skilið við Fasteign hf.

Elliði Vignisson, bæjarstjóri í Vestmannaeyjum hafði samband við Eyjafréttir og vildi koma á framfæri eftirfarandi vegna fréttar DV í dag þess efnis að Vestmannaeyjabær leiti allra leiða til að segja skilið við Fasteign. Að gefnu tilefni vil ég taka fram að rangt er hermt í DV að Eyjamenn leiti nú leiða til að segja skilið […]

Eyjamönnum nóg boðið

Vestmannaeyjabær lætur kanna kosti þess að segja skilið við Eignarhaldsfélagið Fasteign hf. og leysa til sín þær eignir sem bæjarfélagið hefur lagt inn í félagið. EFF hf. byggist á samstafi sveitarfélaga við einkaaðila um samfélagsleg verkefni og hefur Vestmannaeyjabær lagt fjölda fasteigna inn í félagið og leigir þær síðan aftur. Þar á meðal eru tveir […]

Tæpar ellefu milljónir í styrk frá Menningarráði

Menningarráð Suðurlands úthlutaði í gær styrkjum í annað sinn á þessu áru en athöfnin fór fram á Veiðisafninu á Stokkseyri. Alls bárust 59 umsóknir og var sótt um 63 milljónir. 36 fengu styrk að þessu sinni að upphæð samtals um ellefu milljónir. Fyrr á þessu ári hafði Menningarráð veitt 67 aðilum styrki að upphæð 20,6 […]

Bikarleikur í körfunni í kvöld

Í kvöld klukkan 19.00 mun körfuknattleikslið ÍBV leika í forkeppni Subway bikarsins. Strákarnir taka þá á móti liði Álftnesinga en bæði liðin leika í A-riðli 2. deildar en hafa þó ekki mæst það áður í vetur. Mörgum er enn í fersku minni ágætur árangur ÍBV í fyrra þegar liðið mætti Íslandsmeisturum Keflavíkur í 32ja liða […]

Ekki víst að þyrlan verði seld

Eyjapeyinn og auðmaðurinn Magnús Kristinsson flaug eitt sinn á milli lands og eyja á glæsilegri lúxusþyrlu en nú hefur henni verið lagt. Magnús, sem er eigandi Toyota-umboðsins á Íslandi, segir það kosta mikla peninga að tryggja þyrluna og því hafi hann ákveðið að geyma hana um stund. Magnús hefur ekki ákveðið hvort hann selji þyrluna. […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.