Day: 13. nóvember, 2008

Niðurskurður hjá Landhelgisgæslunni

Tólf starfsmenn Landhelgisgæslunnar hafa misst vinnuna frá því um miðjan september. Þar á meðal eru 3 sjómenn og 2 flugvirkjar. Georg Lárusson, forstjóri Gæslunnar, segir niðurskurð nauðsynlegan enda hafi kostnaður aukist vegna falls krónunnar. Hann fullyrðir að uppsagnirnar skerði ekki viðbúnað en um 180 manns starfa hjá Gæslunni. (meira…)

Herjólfur þarf að fara aftur í þurrkví

Nú er ljóst að farþegaskipið Herjólfur verður að fara aftur í flotkví en aðeins er mánuður síðan að skipið kom úr reglubundnu viðhaldi í þurrkvínni á Akureyri. Bilun í öðrum af tveimur veltiuggum gerir það að verkum að taka verður skipið upp á næstunni. Herjólfur mun þó halda uppi reglubundnum siglingum milli lands og Eyja […]

Almennur borgarafundur

Til forráðamanna og annarra áhugasamra bæjarbúa um skóla- og menntamál. Ný menntastefna er boðuð með nýjum lögum og fylgja henni margháttaðar breytingar og ný verkefni fyrir sveitarfélög. Almennur borgarafundur, þar sem menntamálaráðherra kynnir hina nýju menntalöggjöf, verður í Vestmannaeyjum mánudaginn 17. nóvember n.k. kl. 16.15 í Framhaldsskólanum í Vestmannaeyjum. Hefst hann í beinu framhaldi af […]

Opnun Ingólfsstofu.

Í tilefni af 10 ára ártíð Ingólfs Guðjónssonar frá Oddsstöðum, sunnudaginn 16. nóvember nk., verður opnuð sérstök Ingólfsstofa í Bókasafni Vestmannaeyja. Athöfnin hefst kl. 15:15 og eru allir hjartanlega velkomnir. Ingólfsstofa verður lesstofa safnsins og jafnframt verður þar vistað hið merkilega bókasafn Ingólfs er hann afhenti safninu að gjöf. Forsprakkar verkefnisins, Kári Bjarnason og Guðjón […]

Uppselt á konukvöld

29. nóvember verður haldið glæsilegt Konukvöld í Höllinni. Dagskráin er stórglæsileg en þeir Beggi og Pacas úr Hæðinni verða veislustjórar og Páll Óskar Hjálmtýsson skemmtir. Auk þess verða glæsilegar tískusýningar og kynningar og eitt mjög óvænt atriði. Þá mun Einsi Kaldi töfra fram hvern ítalska stórréttinn á fætur öðrum fyrir drottningarnar. Skemmst er frá því […]

�?Mjög spennandi kostur�?

„Það stefnir allt í að ég semji við Linköping. Mér leist rosalega vel á félagið og allt sem snýr að því og þetta er bara mjög spennandi kostur. Vonandi get ég gengið frá þessu sem fyrst, sagði markadrottningin Margrét Lára Viðarsdóttir við Morgunblaðið í gær en hún kom heim í vikunni eftir að hafa skoðað […]

Afli botnvörpunga í nóvember

Ansi góð byrjun hjá Ottó N Þorlákssyni RE. tæp 200 tonn í sinni fyrstu löndun. Þar af var ufsi um 120 tonn og karfi 65 tonn. Klakkur SH var með rúm 120 tonn af þorski í sínum afla. Athyglisverður afli hjá Suðurey VE, 104 tonn í fyrstu löndun. Suðurey VE er 4 mílna togari og […]

Herrakvöldið á morgun föstudaginn 14. nóv.

Knattspyrnudeild Selfoss heldur sitt árlega herrakvöld föstudaginn 14. nóvember. Að þessu sinni verður skemmtunin haldin í Þingborg, en það er félagsheimilli Flóamanna, staðsett ca. 5 km austur af Selfossi. Rúta mun ferja mannskapinn og fer fyrsta ferð kl. 18.30. Veislukokkar Menam sjá um matinn af sinni alkunnu snilld og skemmtiatriðin eru einnig í dýrari kantinum. […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.