Day: 1. desember, 2008

Síldarsjúkdómurinn gæti verið jákvætt tákn

Í gær bárust fréttir af því að sjúkdómur herjaði á síldina, allt virðist vera í miklum voða núna, ríkisstjórnin fer á taugum og menn skjóta á neyðarfundum. Það fyrsta sem mér datt í hug var að nú væri síldarstofninn að stækka, en venjan er að við aukinn þéttleika fiska aukist sjúkdómar. (meira…)

Kirkjufyllir á aðventukvöldi og séra Sveini tekið fagnandi

Kirkjufyllir var á aðventukvöldi í Eyrarbakkakirkju í kvöld. Þar vann séra Sveinn Valgeirsson, hinn nýi prestur í Eyrarbakkaprestakalli, sín fyrstu prestverk í kirkjunni er hann flutti jólahugvekju og stjórnaði aðventusamkomunni. Sameiginlegur kór Eyrarbakka- og Stokkseyrarkirkna söng ásamt barnakór og einsöngvurum. Þá sungu feðginin á Eyrarbakka þau Karen Dröfn Hafþórsdóttir og Hafþór Gestsson tvísöng. Fleiri myndir […]

Dolli pípari sæmdur heiðurskrossi ÍSÍ

Adolf Óskarsson íþróttafrömuður úr Vestmannaeyjum var á 80 ára afmæli sínu, 30. nóvember sl., sæmdur Heiðurskrossi ÍSÍ fyrir framúrskarandi framlag í þágu íþróttahreyfingarinnar. Ólafur Rafnsson forseti ÍSÍ afhenti Adolf Heiðurskrossinn í afmælissamsæti sem haldið var honum til heiðurs á Hrafnistu. (meira…)

Mörg dæmi um árekstra hvala og skipa

Á fundi Alþjóðahvalveiðiráðsins í apríl voru lagðar fram upplýsingar um 763 tilvik þar sem hvalir höfðu orðið fyrir skipum. Mikil aukning slíkra tilvika hefur orðið eftir miðja síðustu öld og virðist fara annars vegar saman við aukinn hraða skipa sem og aukningu siglinga. (meira…)

Brotist inn í félagsheimilið og skrúfað frá vatni

Að vanda var í nógu að snúast hjá lögreglunni í Vestmannaeyjum en meðal annars þurfti í tvígang að bregðast við vegna innbrota. Í annað skiptið var brotist inn í félagsheimilið og skrúfað frá vatni en litlar skemmdir urðu á húsnæðinu. Auk þess kom upp eitt fíkniefnamál í vikunni en stúlka var handtekin við komuna til […]

Stöndum vörð um velferðina

Alþjóðlega fjármálakreppan hefur leikið Ísland grátt. Stærri gjaldeyriskreppa en áður hefur þekkst herjar nú líka á þjóðina. Grunngildi jafnaðarstefnunnar um jöfnuð, réttlæti og sanngirni hafa aldrei verið mikilvægari en nú þegar hugmyndafræði nýfrjálshyggjunnar hefur beðið skipbrot. Öflugt eftirlit opinberra aðila er nauðsynlegt aðhald fyrir hinn frjálsa markað sem og skýrt regluverk. Fyrir því hafa jafnaðarmenn […]

Kvarnast úr Heimaey

Hulda Sigurðardóttir, glöggur lesandi Eyjafrétta sendi ritstjórn mynd og texta þar sem hún bendir á sprungu sem myndast hefur við tangann neðan við Stórhöfða. Sprungan sést vel frá veginum um leið og komið er niður úr höfðanum, við vegrið sem þar er og rétt að benda fólki á að fara varlega um þessar slóðir. (meira…)

Sr. Sveinn Valgeirsson kominn til þjónustu

Séra Sveinn Valgeirsson hinn nýi prestur í Eyrarbakkaprestakalli er kominn til starfa. Hann flytur jólahugvekju í Eyrarbakkakirkju á aðventukvöldi í dag 1. desember kl. 20:00 þar sem sameiginlegur kór Eyrarbakka- og Stokkseyrarkirkna syngur ásamt barnakór og einsöngvurum. Sambærilegt aðventukvöld verður haldið í Stokkseyrarkirkju á morgun þriðjudaginn 2. desember kl. 20:00 (meira…)

Jólahlaðborð starfsmanna

Starfsmenn í Flóahreppi tóku sig saman og fóru á jólahlaðborð í Skíðaskálanum Hveradal, föstudaginn 28. nóvember s.l. Þetta var í fyrsta en örugglega ekki síðasta skipti sem starfsmenn fara saman út að borða í upphafi aðventunnar. Myndir frá jólahlaðborði má sjá í myndasafni. www.floahreppur.is/ljosmyndir/gallery.asp?categoryid=58 (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.