Day: 3. desember, 2008

Troðfullt á fundi hjá Árna Johnsen í kvöld í Ráðhúskaffi, �?orlákshöfn

Árni Johnsen, þingmaður, stendur fyrir ellefu atvinnulífsþingum í byggðum Suðurkjördæmis þar sem talað er upp en ekki niður. Fyrsta þingið var í Ráðhúskaffi í Þorlákshöfn í kvöld og var troðfullt. Gekk fundarboðið eftir og voru framsögumenn fullir bjartsýni á stöðu mála í Þorlákshöfn. Frummælendur voru: (fleiri myndir undir – meira) (meira…)

22 innbrot og þjófnaðir

Í vikunni var tilkynnt um 22 innbrot og þjófnaði. Þar af var um að ræða innbrot í átta sumarbústaði í Grímsnesi og í Þingvallasveit. Annað voru innbrot í fyrirtæki og í bíla á Selfossi og í Hveragerði. Öll þessi mál eru til rannsóknar og eru lögreglumenn að vinna úr gögnum og vísbendingum sem hafa borist. […]

Jólagjafahandbók Frétta og Vaktarinnar kemur út í kvöld

Vikublöðin Fréttir og Vaktin sameinast í ár um Jólagjafahandbók og verður henni dreift með Fréttum og auk þess dreift í helstu verslanir bæjarins. Í Jóagjafahandbókinni er fullt af skemmtilegu efni, m.a. rætt við unga Eyjamenn um jólin, íbúa af erlendu bergi brotnu og heiðurskonuna Margréti Sigurjónsdóttur sem segist vera mikið jólabarn. (meira…)

Ferðir Herjólfs falla niður 9. desember

Allar ferðir farþegaskipsins Herjólfs falla niður þriðjudaginn 9. desember. Þann dag verður unni að viðgerðum á stefnisloku á skipinu en þetta kemur fram í fréttatilkynningu frá Eimskip. Ferðir skipsins verða að öðru leyti samkvæmt áætlun. (meira…)

Ichthyophonus hoferi – sníkjudýr í fiskum

Sýking af völdum Ichthyophonus hefur fundist í ýmsum tegundum sjávarfiska. Lengi var talið að hér væri um svepp að ræða, sem að vísu féll ekki inn í flokkunarkerfi annarra þekktra sveppa, en nýjar rannsóknir hafa sýnt að Ichthyophonus er einfrumungur eða svipudýr (Choanoflagellata). (meira…)

Séra Gunnari á Selfossi haldið frá störfum

Biskupsstofa hefur ákveðið að halda séra Gunnari Björnssyni, sóknarpresi á Selfossi, áfram frá embætti en hann var sýknaður af ákæru um kynferðisbrot og broti gegn barnaverndarlögum í gær. Gunnari var veitt lausn frá embætt tímabundið þegar hann var ákærður en fram kemur í yfirlýsingu að sú ákvörðun gildi þar til endanlegur dómur liggur fyrir. (meira…)

Vinstri grænir orðnir stærstir allra flokka

Vinstrihreyfingin grænt framboð mælist með mesta fylgi allra stjórnmálaflokka í nóvember samkvæmt Þjóðarpúlsi Gallups. Þetta kom fram í kvöldfréttum á Rúv nú í kvöld. Ríkisstjórnin hefur ekki verið með minna fylgi síðan árið 1993. Stuðningur við ríkisstjórnina hefur minnkað um 14% milli mánaða og mælist nú um 32%, sem er sama fylgi og Vinstri grænir […]

Árni Johnsen í herferð um Suðurkjördæmið

Árni Johnsen, þingmaður auglýsir í Morgunblaðinu í dag atvinnulífsherferðina Til sóknar í suðri. Um er að ræða ellefu atvinnulífsþing í byggðum Suðurkjördæmis þar sem talað er upp en ekki niður, eins og segir í auglýsingunni. Fyrsta þingið verður í Þorlákshöfn miðvikudaginn 3. des. (meira…)

Áfram fréttaritarar á Selfossi og í Vestmannaeyjum

Eins og komið hefur fram í fjölmiðlum undanfarið hefur Ríkisútvarpið dregið saman seglin, sagt upp fólki, bæði fastráðnu fólki og verktökum. Aðgerðir RÚV hafa þó ekki áhrif á störf fréttaritara á Suðurlandi en Magnús Hlynur Hreiðarsson hefur starfað sem fréttaritari RÚV á Selfossi undanfarin ár og Sighvatur Jónsson, tók við fréttaritarastöðunni í Vestmannaeyjum nú í […]

Vestfirsk bókakynning föstudaginn 5. desember.

Vestfirðingar á Suðurlandi boða til bókakynningar í Bókakaffi á Selfossi föstudaginn 5. desember n.k. kl. 20:30. . Þar verða kynntar og lesið úr þremur af þeim ellefu bókum sem Vestfirska forlagið á Þingeyri gefur út fyrir þessi jól. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.