Day: 23. desember, 2008

Fjölmenni í veglegri skötuveislu

Fjölmenni var í Íþróttahúsinu á Stokkseyri í dag í árlegri skötuveislu Ungmennafélags Stokkseyrar. Félagið er brautryðjandi á Suðurlandi í slíku og hefur verið með veislur á Þorláksmessu frá árinu 1999 sem byggir á vestfirskri skötumenningu í bland við sunnlenskar hefðir. Víða á Suðurlandi eru nú skötuveislur á Þorláksmessu og er þetta glæsileg opnun jólahaldsins. (meira…)

Jólaverslunin góð þetta árið

Kaupmenn á landinu eru nokkuð sáttir við jólaverslunina, þó vissulega sé einhver samdráttur. Minna er um að fólk noti kreditkort nú en á sama tíma í fyrra og greiða nú margir frekar með reiðufé. Verslanir á Selfossi auglýstu mikið sameiginlega nú í desember og telja margir að það hafi skilað sér vel í verslun í […]

Herjólfur fer úr �?orlákshöfn klukkan 11.00 á morgun

Á baksíðu fréttablaðsins Vaktarinnar er auglýstur brottfarartími farþegaskipsins Herjólfs á aðfangadag og gamlársdag. Tíminn sem þar er auglýstur er hins vegar rangur, réttur brottfarartími úr Þorlákshöfn er klukkan 11.00 báða dagana. Engar ferðir eru farnar á jóladag og nýársdag. (meira…)

Lúðrasveit, Rán, Líkn, Bókasafn og Tryggvi fengu styrk

Árleg úthlutun úr Styrktar- og menningarsjóði Sparisjóðs Vestmannaeyja, sem stofnaður var til minningar um Þorstein Þ. Víglundsson fyrrverandi sparisjóðsstjóra fór fram í fundarsal Sparisjóðsins á Þorláksmessu, þann 23. desember 2008. Þetta er í tuttugasta og fyrsta skiptið sem úthlutað er úr sjóðnum, en fyrsta úthlutunin var á Þorláksmessu árið 1988. Að þessu sinni hlutu viðurkenningar […]

Drangavík VE verður í Eyjum að morgni 2. í jólum

Drangavík VE er á heimleið, eftir miklar breytingar sem gerðar voru á skipinu í Póllandi. Þegar haft var samband Magnús Ríkharðsson, skipstjóra, rétt eftir hádegið á Þorláksmessu, var Drangavíkin stödd við Shetlandseyjar í þokkalegu veðri. Ef veðrið helst þokkalegt það sem eftir er leiðar, sagði Magnús að þeir yrðu í Eyjum að morgni 2. í […]

Skötuveisla á Kirkjugerði

Það er víða siður af hafa skötu í matinn á Þorláksmessu. Til margra ára hafa Akógesar boðið til skötuveisla í hádeginu á Þorláksmessu, og ávallt vel mætt. Og starfsfólkið á Leikskólanum Kirkjugerði bauð börnunum líka skötu- og saltfiskveislu ala Sóla ásamt kartöflum, rófum og rúgbauði, og kunnu þau að sögn, ágætlega við matinn, en lyktin […]

Verðbólgan mælist nú 18,1%

Vísitala neysluverðs miðuð við verðlag í desember hækkaði um 1,52% frá fyrra mánuði. Vísitala neysluverðs án húsnæðis hækkaði um 1,71% frá nóvember. Síðastliðna tólf mánuði hefur vísitala neysluverðs hækkað um 18,1%. Verðbólgan hefur ekki verið jafn mikil síðan í maí 1990 er hún mældist einnig 18,1%. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.