Day: 31. desember, 2008

Gleðilegt nýtt ár!

Starfsmenn og eigendur Eyjasýnar ehf. óska lesendum sínum og landsmönnum öllum gleðilegs nýs árs og farsældar á komandi ári. (meira…)

Dagskrá Landakirkju um áramót

Sem fyrr verður messuhald á Gamlársdag í Landakirkju en Aftansöngur hefst klukkan 18.00. Á nýársdag verður messa klukkan 14.00 en þar mun séra Ólafur Jóhann Borgþórsson prédika. Þriðjudaginn 6. janúar eða á Þrettándanum verður Guðsþjónusta klukkan 18.00 í Stafkirkjunni og munu félagar í Lúðrasveit Vestmannaeyja spila. Vegna þessa fellur messa niður sunnudaginn 4. janúar og […]

160 tóku þátt í Göngustyrktarhlaupinu

160 manns tóku þátt í Göngustyrktarhlaupi til styrktar Krabbavörn í Vestmannaeyjum en hlaupið fór fram í morgun. Þetta er í annað sinn sem þetta er gert en í fyrra safnaðist um ein milljón króna sem runnu óskiptar til Krabbavarna. Boðið var upp á tvær hlaupaleiðir, annarsvegar frá Stórhöfða og hins vegar frá Steinsstöðum en hlaupinu […]

Björgunarfélagið safnar gömlum farsímum

Björgunarsveitir Slysavarnafélagsins Landsbjargar hefja í dag nýtt fjáröflunar- og endurvinnsluátak undir heitinu „Svaraðu kallinu! og tekur Björgunarfélag Vestmannaeyja við farsímum á Flugeldamarkaði félagsins í dag.” (meira…)

Hitamet var sett á Stórhöfða á árinu og snjódýpt með því mesta

Einar Sveinbjörnsson, veðurfræðingur, hefur sett saman veðurannál fyrir árið 2008. Þar rifjar hann upp það helsta sem gerðist í veðrinu á árinu. Nýtt hitamet var sett á Stórhöfða í Vestmannaeyjum 30. júlí, (21,6 stig) en þar hefur verið mælt samfellt frá 1921. Þá var snjódýpt í Eyjum að morgni 3. mars með því mesta sem […]

Aftansöngur í Selfosskirkju

Gamlársdagur 31. desember: Aftansöngur kl. 18:00, sr. Úlfar Guðmundsson þjónar. Hátíðarsöngvar. Kór Selfosskirkju leiðir söng við helgihaldið um jól og áramót, undir stjórn Jörg Sondermann organista. (meira…)

Sendir frá sér afkomuviðvörun

Sláturfélag Suðurlands hefur sent frá sér afkomuviðvörun þar sem fram kemur að vegna gengisfalls krónu, verðbólgu og hárra vaxta verði fjármagnsliðir Sláturfélags Suðurlands svf. (SS) afar óhagstæðir á árinu 2008 í samanburði við árið á undan. Þetta valdi því að umtalsvert tap verði á rekstri félagsins á árinu 2008 þó endanlegar afkomutölur liggi ekki fyrir. […]

Fjórar úr ÍBV á landsliðsæfingu hjá U-19

Ólafur Þór Guðbjörnsson landsliðsþjálfari U-19 ára liðs kvenna í knattspyrnu hefur valið þær Þórhildi Ólafsdóttur, Kristínu Ernu Sigurlásdóttur, Sögu Huld Helgudóttur og Elísu Viðarsdóttur til æfinga helgina 2. og 3. janúar. Aðeins lið Vals hefur fleiri fulltrúa en ÍBV. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.