Day: 23. janúar, 2009

Suðurlandsmótið í skák

Næstu helgi fer fram Suðurlandsmótið í skák á Selfossi. Tefldar verða 7 umferðir. Mótið hefst föstudagskvöldið 30.jan og því líkur á sunnudeginum 1.feb. Nú hafa þegar skráð sig til leiks 25 keppendur, flestir koma frá Selfossi en Eyjamenn koma skammt undan. (meira…)

Stofnun Starfsorku, starfsendurhæfingar í Vestmannaeyjum

Frá miðju ári 2008 hefur verið starfandi starfshópur sem hefur unnið að stofnun starfsendurhæfingar í Vestmannaeyjum. Að hópnum koma fulltrúar helstu hagsmunaaðila: Lífeyrissjóður Vestmannaeyja, Viska, fræðslu- og símenntunarmiðstöð, Vestmannaeyjabær, Heilbrigðisstofnunin Vestmannaeyjum auk fulltrúa stéttarfélaga og atvinnulífsins í Vestmannaeyjum. Atvinnuþróunarfélag Suðurlands vann framanaf náið með starfshópnum að framgangi verkefnisins. (meira…)

Herjólfur líklega í viðgerð í enda apríl

Nú liggur fyrir nánari tímasetning á varahluti fyrir veltiugga Herjólfs en ugginn á skipinu bilaði um miðjan nóvember á síðasta ári. Varahlutirnir verða tilbúnir í enda apríl en Guðmundur Pedersen, hjá Eimskip telur að viðgerðin komi til með að taka þrjá til fjóra daga. (meira…)

Af snillingi í knattspyrnu

Áríðandi fundur er hjá ÍBV á morgun um málefni knattspyrnunnar. Í tilefni þess eru hér nokkur myndbrot úr knattspyrnuleikjum þar sem MU snillingurinn Ronaldo er í aðalhlutverki, sýnir snilli sína, en fær líka margar bylturnar. (meira…)

Fagnar ákvörðun sjávarútvegsráðherra

Stjórn Útvegsbændafélags Vestmannaeyja fagnar þeirri ákvörðun Einars K. Guðfinnssonar, sjávarútvegs- og landbúnaðarráðherra, að auka heildaraflamark í þorski á yfirstandandi fiskveiðiári um 30.000 tonn. Jafnframt fagnar stjórnin þeirri yfirlýsingu ráðherra að gert sé ráð fyrir því að heildaraflamark í þorski verði ekki lægra en 160 þúsund tonn á næsta fiskveiðiári. (meira…)

KFS lagði KV í rokleik í gær

KFS lagði KV í miklum rokleik í gær en lokatölur urðu 2:5 eftir að staðan í hálfleik hafði verið 0:4 fyrir KFS. Leikurinn fór fram á gervigrasi KR-inga en KV er dótturfélag Vesturbæjarstjórveldisins. Egill Jóhannsson skoraði tvö mörk fyrir KFS og Sigurður Ingi Vilhjálmsson, Viktor Smári Kristjánsson og Anton Bjarnason eitt mark hver. Eins og […]

Fundað um knattspyrnuna á morgun

Á morgun, laugardag verður haldinn félagsfundur ÍBV íþróttafélags í Týsheimilinu. Fundurinn hefst klukkan 16.00 en fundarefnið er staða meistaraflokks karla í knattspyrnu. Ekkert knattspyrnuráð er starfandi eins hjá úrvalsdeildarliðinu sem setur undirbúning liðsins í mikla óvissu. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.