Day: 16. mars, 2009

Lýst eftir hvítri fólksbifreið á Selfossi

Lögreglan á Selfossi biður þá sem hafa orðið varir við hvíta fólksbifreið, líklega Mitshubishi Lancer, að hafa samband í síma 481 1010. Talið er að bifreiðin tengist innbrotum í tvo sumarbústaði í Grímsnesinu aðfaranótt mánudags. Úr öðrum bústaðnum var stolið flatskjá, hljómflutningstæki og kaffikönnu en vasaljósi úr hinum. (meira…)

Sigurstranglegur listi Sjálfstæðismanna í Suðurkjördæmi

Ágætis þátttaka var í prófkjöri Sjálfstæðisflokksins í Suðurkjördæmi. Ég er nokkuð ánægður með hve vel spá mín rættist,sem ég setti fram í byrjun vikunnar. Nöfn sjö efstu voru rétt hjá mér, þótt röð manna hafi ekki verið nákvæmlega eins og ég spáði. (meira…)

Geir fundar með Eyjamönnum í kvöld

Formaður Sjálfstæðisflokksins og fyrrverandi forsætisráðherra heldur almennan fund með Vestmannaeyingum í Ásgarði í kvöld kl. 20.00. Þar ætlar hann að ræða stjórnmálastöðuna eins og hún lítur út frá hans bæjardyrum. Skoða niðurstöðu prófkjöranna og spá í kosningarnar. Ekki er að efa að forvitnilegt verður að hlusta á Geir, og væntanlega verður þetta síðasta fundur hans […]

Í nógu að snúast hjá lögreglunni

Lögreglan hafði í nógu að snúast í vikunni sem leið, en þó nokkur erill að kvöldi sl. föstudags og aðfaranótt sl. laugardags vegna þess óveðurs sem gekk yfir eyjarnar. M.a. fékk lögreglan fimm tilkynningar vegna foktjóns, en veðurhæðin náði í um 40 m/sek. á Stórhöfða þegar mest gekk á. Þá þurfti lögreglan, að vanda, að […]

Kæru stuðningsmenn

Þakka ykkur innilega fyrir stuðninginn í prófkjörinu á laugardaginn. Ég fékk góða kosningu í það sæti sem ég sóttist eftir þannig að árangurinn var í samræmi við mínar björtustu vonir. Fyrir það er ég ykkur afar þakklát. (meira…)

Stuðningur okkar ekki neikvæður fyrir aðra frambjóðendur

Prófkjör eru gjarnan tími átaka og særinda. Þegar margir keppa að sama marki er viðbúið að einhverjir nái ekki sínum persónulegu markmiðum. Að jafnaði taka stjórnmálamenn því af reisn. Nú að afloknu prófkjöri sjálfstæðismanna í Suðurkjördæmi hefur Árni Johnsen félagi okkar til margra ára valið að líta á sjálfan sig sem fórnarlamb. Ástæðan er sú […]

Heimir með ÍBV næstu tvö árin

Heimir Hallgrímsson þjálfari ÍBV hefur framlengt samning sinn við félagið um tvö ár. Heimir tók við liðinu síðla sumars 2006 af Guðlaugi Baldurssyni og hefur stýrt því síðan. Hann hefur stjórnað liðinu í 51 deildarleik, 32 sigrar, 8 jafntefli og 11 tapleikir. Árangur liðsins var frábær á síðasta sumri þar sem liðið sigraði 1.deildina með […]

Aflaverðmæti 99 milljarðar 2008

Aflaverðmæti íslenskra skipa nam 99 milljörðum króna á árinu 2008 og jókst um tæpa 19 milljarða frá árinu áður þegar aflaverðmætið var 80 milljarðar. Aukningin nemur 23,5% á milli ára. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.