Day: 24. mars, 2009

Engin skerðing á fæðingarþjónustu á Selfossi

Engin skerðing verður á fæðingarþjónustu á Selfossi, eins og fyrrverandi heilbrigðisráðherra hafði boðað. Þetta kom fram á fundi sem Ögmundur Jónasson, núverandi ráðherra heilbrigðismála, hélt með starfsfólki Heilbrigðisstofnunar Suðurlands nú í eftirmiðdaginn. Áður en fundurinn hófst, tók Ögmundur á móti áskorun með nöfnum um 4300 íbúa á svæðinu, þar sem öllum áformum um niðurskurð var […]

Sjávarútvegsráðuneytið vill að Hafró rannsaki betur síldina í höfninni

Sjávarútvegsráðuneytið hefur nú óskað eftir því við Hafrannsóknastofnunina að afla enn frekari gagna um ástandið í höfninni í samstarfi við heimamenn og Heilbrigðiseftirlit Suðurlands, til þess að unnt sé að meta þá mengunarhættu sem bæjaryfirvöld í Vestmannaeyjum hafa áhyggjur af. Niðurstöður munu liggja fyrir innan fárra daga og mun ráðuneytið þá taka ákvörðun um framhaldið. […]

Kári Kristján til ZMC Amicitia

Kári Kristján Kristjánsson, línumaður Íslandsmeistara Hauka í handknattleik, gengur til liðs við svissneska meistaraliðið ZMC Amicitia í Zürich í sumar. Hann hefur gert tveggja ára samning við félagið og er ætlað að fylla skarð norska línumannsins Frank Löke sem hyggst róa á önnur mið. (meira…)

Sparkaði í höfuð dyravarðar

Það var í nógu að snúast hjá lögreglunni í síðustu viku. Tvær líkamsárásir voru kærðar til lögreglu og áttu þær báðar sér stað í Höllinni. Í öðru tilvikinu var ráðist á dyravörð og m.a. sparkað í höfuð hans. Hann er þó ekki alvarlega slasaður. Í hinu tilvikinu var maður sleginn í andlitið þannig að hann […]

Um fjögur þúsund undirskriftir afhentar í dag

Ögmundi Jónassyni, heilbrigðisráðherra, verður síðar í dag afhent um fjögur þúsund undirskriftir Sunnlendinga sem mótmæla fyrirhugaðri skerðingu á heilbrigðisþjónustu á Suðurlandi. (meira…)

Godthaab greiðir launahækkanir

Fiskvinnslufyrirtækið Godthaab í Nöf í Vestmannaeyjum hefur ákveðið að greiða starfsfólki sínu umsamdar launahækkanir frá 1. mars síðastliðnum. Fyrirtækið er ekki í samtökum atvinnurekenda. Um 80 starfsmenn hjá Godthaab fá 13.500 króna launahækkun útgreidda um næstu mánaðamót. (meira…)

Mikið af dauðri síld á botninum

Þeir félagar Gunnlaugur Erlendsson og Þorbjörn Víglundsson fóru með neðansjávarmyndavél í gær til að kanna ástand síldarinnar sem þar er. Í bloggfærsu Þorbjörns á http://tobbivilla.123.is segir hann að botninn sé þakinn dauðri síld. Myndbandið má sjá hér að neðan. (meira…)

Flatskjáum stolið tvisvar úr bústað á Flúðum

Lögreglan á Selfossi handtók tvo menn um fimmleytið í nótt með drekkhlaðinn bíl af þýfi sem reyndist vera úr sumarbústöðum við Þverlág á Flúðum. Að sögn lögreglunnar var bíllinn svo niðursiginn að aftan að hann vakti athygli við keyrslu og reyndist við nánari athugun vera smekkfullur af þýfi. (meira…)

Sparisjóðir á Suðurlandi þurfa að auka stofnfé

Engar breytingar urðu á daglegri starfsemi sparisjóðanna á Suðurlandi við yfirtöku ríkisins á SPRON (Sparisjóði Reykjavíkur og nágrennis). Sparisjóður Vestmannaeyja rekur afgreiðslu 6 sparisjóða á Suðurlandi. Líkt og með aðra sparisjóði er unnið að því að auka stofnfé Sparisjóðs Vestmannnaeyja. Sótt hefur verið um framlag frá ríkissjóði sem nemur fimmtungi stofnfjár, í samræmi við neyðarlög […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.