Day: 21. apríl, 2009

Ekki gleyma birtunni og ljósinu

Fjöldi fólks mætti á hamingjunámskeið hjá séra Þórhalli Heimissyni í safnaðarheimili Landakirkju Vestmannaeyja í gærkvöld. Í kjölfar bankahrunsins í haust fór séra Þórhallur af stað með námskeiðið 10 leiðir til lífshamingju. Markmiðið er að hjálpa fólki að breyta því sem það getur breytt til að finna lífshamingjuna á tímum sem hafa verið mörgum erfiðir. Námskeiðið […]

Smyglarar lentir á Selfossi

Ríkisútvarpið greinir frá því að flugvél Flugmálastjórnar hafi lenti á Selfossi rétt fyrir klukkan hálf sex í dag með þrjá meinta smyglara sem náðust á skútu í gærkvöld. Mennirnir verða fluttir á Litla-hraun. Þeir voru í morgun úrskurðaðir í gæsluvarðhald til 12. maí. (meira…)

Af hverju vill Samfylkingin aðildarviðræður við ESB?

Samfylkingin vill fara í aðildarviðræður við ESB og leggja niðurstöður þeirra í dóm kjósenda. Ástæðan er einföld – ef við förum í aðildarviðræður vitum við hvað við fáum og hvað það mun hugsanlega kosta okkur að vera aðilar að ESB. Úr þessu fáum við aldrei skorið nema með því að fara í aðildarviðræður. (meira…)

Sjálfstæðisflokkurinn með 53.7% fylgi í Vestmannaeyjum og 68% Vestmannaeyinga segjast andvígir ríkisstjórninni

Margt má lesa út úr nýgerðri skoðanakönnun Capasent Gallup í Suðurkjördæmi sem gerð var fyrir Morgunblaðið og Ríkisútvarpið. Sérstök könnun var m.a. á fylgi flokkanna eftir byggðarlögum. Könnunin var bæði net- og símakönnun. Heildarúrtakið var 800 manns og svarhlutfallið 61% eða um 490 manns. Í könnuninni sem gerð var í Vestmannaeyjum sögðust 32% styðja ríkisstjórnina […]

Fuglaskoðunarferðamennska á Suðurlandi

Útflutningsráð heldur kynningu um möguleika í ferðamennsku í tengslum við fuglaskoðun klukkan 13 á Hótel Selfossi í dag. Útflutningsráð hefur undanfarin ár unnið að því að byggja upp fuglaskoðunarferðamennsku sem víðast á Íslandi. Unnið er að undirbúningi stofnunar Fuglaskoðunarsamtaka Íslands. Stefnt er að stofnun samtakanna í maí. (meira…)

10 leiðir til lífshamingju

Þriðjudaginn 21. apríl kl. 20.00 verður sr. Þórhallur Heimisson með erindi í safnaðarheimili Landakirkju um lífsgleði og samskipti. Erindið, sem ber heitið „10 leiðir til lífshamingju“, byggir á svipuðum hugmyndum og vinsæl hjónanámskeið sr. Þórhalls. Ekkert þátttökugjald er á námskeiðið sem er í boði Kjalarnessprófastsdæmis og opið öllum. Að loknu erindi sr. Þórhalls verða umræður. […]

Fundur hjá Skógræktarfélaginu í kvöld

Skógræktarfélag Vestmannaeyja boðar til aðalfundar þriðjudaginn 21.apríl n.k. k: 20 í Arnardrangi við Hilmisgötu. Dagskrá : Venjuleg aðalfundarstörf. María Stefánsdóttir verkefnastjóri atvinnuátaks Skógræktarfélags Íslands mætir á fundinn og gerir grein fyrir atvinnuátaki í skógrækt. Önnur mál. Kaffi og kleinur í boði stjórnar. Allir velkomnir. (meira…)

Bræður og systur munu berjast

Í könnun Capasent Gallup, sem gerð var fyrir Morgunblaðið og Ríkisútvarpið, um fylgi stjórnmálaflokkanna í Suðurkjördæmi, má lesa skemmtilega niðurstöðu. Samkvæmt könnuninni fær Sjálfstæðisflokkurinn 3 þingmenn, það þýðir að næsti maður inn af listanum er Vestmannaeyingurinn Íris Róbertsdóttir. (meira…)

Borgarahreyfingin hefur opnað á Selfossi

Borgarahreyfingin – þjóðin á þing hefur opnað kosningaskrifstofu í Suðurkjördæmi að Eyrarvegi 31 Selfossi. Í tilkynningu frá framboðinu segir að þangað séu allir velkomnir til að kynna sér stefnu og málefni Borgarahreyfingarinnar og ræða við frambjóðendur yfir rjúkandi heitum kaffibolla. (meira…)

150 manns í kaffi og á kvöldvöku hjá Frjálslyndum

Frjálslyndi flokkurinn bauð til fjölskylduhátíðar í Vestmannaeyjum á laugardaginn. Um 100 manns mættu og gæddu sér á heitum vöfflum með kaffisopanum. Um 50 manns mættu á kvöldvöku flokksins um kvöldið og vill Frjálslyndi flokkurinn koma á framfæri þakklæti til þeirra sem mættu og minna um leið á að það verður enn meira fjör næsta laugardag […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.