Day: 2. júní, 2009

3 Eyjapeyjar í liði vikunnar og Gauti með mark 6. umferðar

Knattspyrnuvefurinn fotbolti.net valdi mark Gauta Þorvarðarsonar gegn Grindavík í gærkvöldi, mark 6. umferðar. Þá eru 3 leikmenn ÍBV í liði vikunnar, þeir Andri Ólafsson, Gauti Þorvarðarson og Chris Clementes. Auk þess er einn fyrrverandi leikmaður ÍBV, Bjarni Hólm Aðalsteinsson einnig í liði vikunnar, en hann leikur nú með Keflvíkingum. (meira…)

Ljóst að núverandi Herjólfur siglir í Land-Eyjahöfn til ársins 2013

Á fundi bæjaráðs Vestmannaeyja í dag, var lögð fram skýrsla Siglingastofnunar á samanburði á Herjólfi og dönsku ferjunni Kyholm. Fyrir liggur að Stýrihópur um Land-Eyjahöfn mælir með því að Herjólfur verði notaður í siglingar í Land-Eyjahöfn til ársins 2013. (meira…)

�?jófnaðir, líkamsárás, rúðubrot og umferðarbrot

Nokkuð meira var að gera hjá lögreglu þessa vikuna en þá síðustu. Þó var helgin róleg og gekk skemmtanalífið áfallalaust fyrir sig að mestu. Ein líkamsárás var kærð á tímabilinu og er hún í rannsókn. Tveir þjófnaðir voru tilkynntir til lögreglu á tímabilinu. Var um að ræða þjófnað á reiðhjóli, sem er nú búið að […]

Heiða valin í A-landsliðið

Heiða Ingólfsdóttir, Eyjakona og handknattleiksmarkvörður úr Haukum, var í dag valin í A-landslið Íslands en Heiða var í leikmannahópi liðsins sem lék æfingaleiki gegn Sviss á dögunum. Þá var Heiða ein þriggja markvarða en eftir að fækkað var í hópnum um fjóra, er Heiða annar tveggja markvarða landsliðsins. Þess má geta að Heiða er aðeins […]

Eiður valinn í U-21 árs hóp Íslands

Varnarmaðurinn undi Eiður Sigurbjörnsson, sem hefur fengið verðskuldað tækifæri með ÍBV liðinu í sumar, var í morgun valinn í leikmannahóp U-21 árs landsliðs Íslands en liðið leikur gegn Dönum ytra næstkomandi föstudag. Eiður skrifaði undir þriggja ára samning hjá ÍBV í morgun um leið og honum var tilkynnt að hann væri á leið til Danmerkur. […]

Unnu Tindastól 11:0

Stelpurnar í meistaraflokki byrja tímabilið heldur betur vel en í gær léku þær sinn fyrsta leik á tímabilinu gegn Tindastóll/Neisti fyrir norðan. IBV stúlkur sigruðu 11-0 eftir að staðan í hálfleik var 8-0 Þórhildur Ólafsdóttir gerði 4. Kristín Erna 3. Thelma 2. Sóley 1 og Laura East 1. IBV varð fyrir áfalli í lok fyrri […]

Til hamingju Ísland

Bankahrunið varð í október, búsáhaldarbyltingin í janúar og ný ríkisstjórn í febrúar. Ríkisstjórn félagshyggjuaflanna, 80 daga ríkisstjórnin. Nú skyldi kapítalisminn settur á hilluna og félagsleg mál sett á oddinn. (meira…)

Snekkja Jóns Ásgeirs sigli milli lands og Eyja

Ég skrapp til Vestmannaeyja um helgina. Flaug frá Bakka og yfir til Eyja. Stórkostlegt að sjá að framkvæmdir eru nú hafnar við grjótgarðana. Vonandi verður þessi framkvæmd ekki fyrir niðurskurðarhníf Vinstri stjórnarinnar. Það er alveg gífurlegt atriði fyrir Vestmannaeyinga að fá þessa samöngubót.Verst að það skuli vera hætt við að byggja nýtt og hentugra skip […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.