Day: 27. ágúst, 2009

Fyrsta pysjan komin í hús

Fyrsta pysjan er komin í hús þetta haustið en mæðginin Jón Halldór Kristínarson og Kristín Harpa Halldórsdóttir björguðu hennir úr klóm kattar í gærkvöldi. Pysjuna sáu þau fyrir utan heimili sitt í Foldahrauni og voru ekki lengi að ná henni. Í næsta nágrenni beið nágrannakötturinn eftir færi, sem hann fékk ekki. (meira…)

�?urfum bara að spila okkar leik

Í dag klukkan 17.00 leikur kvennalandslið Íslands annan leik sinn í riðlakeppni EM í Finnlandi en leikið verður gegn Noregi. Fyrirfram er búist við jöfnum og spennandi leik en Ísland lagði Noreg fyrr á þessu ári á æfingamóti á Algarve 3:1. Ekkert nema sigur heldur voninni lifandi um að komast í milliriðil hjá Íslandi. (meira…)

Golfmót fyrir krakka 13 ára og yngri

Nú líður að lokum golfvertíðarinnar en þó eru enn nokkur golfmót eftir hjá Golfklúbbi Vestmannaeyja. Á sunnudaginn verður síðasta krakka- og unglingagolfmótið haldið, svokallað Skipalyftugolfmót og er mótið ætlað kylfingum 13 ára og yngri. Keppt verður í þremur flokkum, 11 ára og yngri og 12 til 13 ára hjá strákunum og svo verður sérstakur telpnaflokkur. […]

Skál!

Hver man ekki eftir umræðunni um hið nýja Ísland. Þannig fengum við sögulega endurnýjun á Alþingi. Nýr flokkur fékk brautargengi og nýjir frambjóðendur teknir alvarlega.Við áttum að vera laus við dekstrið við auðvaldið. Tenginguna á milli fjármagns og stjórnmála. Stjórnmálamenn áttu að axla ábyrgð á gjörðum sínum… (meira…)

Deildin.is með fréttir af enska boltanum

Hallgrímur Helgi Hallgrímsson og Birkir Ágústsson hafa í samstarfi við þrjá félaga sína sett upp nýja vefsíðu þar sem reglu­lega eru settar inn ferskar fréttir um allt sem viðkemur enska fótboltanum. Þeir hafa svo fengið til liðs við sig fimm aðra fót­bolta­áhuga­menn þannig að tíu manns koma að því að skrifa fréttir á vefinn sem […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.