Day: 17. október, 2009

�?g samhryggist vini mínum Jóa innilega yfir þessum hörmulegu endalokum Lifrarsamlagsins

Georg Eiður Arnarson, er einn duglegustu bloggurunum í Eyjum og fjallar oft um athyglisverð mál og talar tæpitungulaust þegar svo ber við. Í nýjasta bloggi sínu rekur hann stutt minningarbrot frá störfum sínum hjá Lifrarsamlagi Vestmannaeyja á árum áður. Þá skammar hann Fréttir eins og hann gerir stundum og segir að Frjálslyndir stefni á framboð […]

Eygló fundar með Eyjamönnum á morgun

Eygló Harðardóttir, alþingismaður verður gestur FramsóknarfélagsVestmannaeyja á opnum stjórnmálafundi á Kaffi Kró sunnudaginn 18.október kl. 12 á hádegi. Búast má við snörpum umræðum um niðurskurð á landsbyggðinni,Evrópusambandið, sjávarútveginn og fleira. (meira…)

Fundur Heimssýnar um Evrópumál frestast til sunnudags

Í dag kl. 13.00 var fyrirhugaður fundur Heimssýnar, hreyfingar sjálfsstæðissinna í Evrópumálum. En þar sem ekki hefur verið flugveður í morgun, komst frummælandinn, Björn Bjarnason ekki til Eyja í tæka tíð. Fundurinn hefur því verið settur á kl. 13.00 á morgun, sunnudag, og verður í Golfskálanum. (meira…)

Verða að fækka um tvö rúm

Heilbrigðisráðuneytið hefur ákveðið að fækka dvalar- og hjúkrunarrým­um á Hraunbúðum. Undanfarið hefur verið biðlisti eftir plássum en nú er heimilinu gert að draga saman um tíu milljónir króna á ári. Magnús Jónasson, forstöðumaður Hraunbúða, sagði að fyrirskipun væri um að fækka um eitt rúm á hvorri deild þ.e. eitt dvalarrými og eitt hjúkrunarrými. (meira…)

Maggi Eiríks, Ingi Tómas og Heimsmetshafinn

Nótt safnanna í Eyjum er fyrir­myndin að Safnahelgi á Suðurlandi sem verður haldin 6. til 8. nóv­ember. Kristín Jóhannsdóttir reið á vaðið með Nótt safnanna í Vest­mannaeyjum með því að efna til við­burða á söfnum bæjarins í nóvemb­ermánuði. Hugmyndin nær nú til alls Suðurlands með safnahelgi á helstu stöðum í kjör­dæminu. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.