Day: 15. mars, 2010

ÍBV fær fyrrum framherja Dynamo Kiev á reynslu

Úkraínski framherjinn Denis Sytnik kemur í dag til ÍBV á reynslu en hann mun vera til skoðunar hjá liðinu næstu dagana. Denis er uppalinn hjá Dynamo Kiev í heimalandi sínu Úkraínu en hann mun núna reyna að heilla Eyjamenn. Eyjamenn hafa verið í leit að framherja og þeir hafa í vetur skoðað bæði Letta og […]

Tekinn með steratöflur við komuna til Eyja

Síðdegis á föstudag var farþegi sem var að koma með flugi frá Reykjavík stöðvaður vegna gruns um að hann væri með fíkniefni meðferðis. Við leit fundust engin fíkniefni en hann reyndist vera með steratöflur meðferðis. Viðkomandi viðurkenndi að eiga töflurnar og var lagt hald á þær. Þá var ráðist á leigubílstjóra um helgina. Farþegi var […]

Samstaða þekkingarlausra þingmanna?

Það er athyglisvert að fylgjast með þjóðmálaumræðunni um þessar mundir. Kallað er eftir samstöðu, að stjórn og stjórnarandstaða leggi niður vopnin og sameinist um þau mál sem brenna á þjóðinni. Traust á Alþingi mælist í sögulegu lágmarki og virðing ýmissa talsmanna atvinnulífsins á stjórnmálamönnum er augljóslega engin. (meira…)

Aðeins 108 dagar í siglingar í Landeyjahöfn

Í dag eru aðeins 108 dagar í að siglingar í Landeyjahöfn hefjist en framkvæmdir eru nú á fullu við smíð hafnarinnar. Styrmir Gíslason sendi ritstjórn Eyjafrétta nokkrar myndir frá framkvæmdunum en eins og sjá má er unnið að því hörðum höndum að siglingar hefjist á réttum tíma, eða 1. júlí næstkomandi. Stærsta baráttan er nú […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.