Day: 2. ágúst, 2011

Leikmenn látnir blása á æfingu

ÍBV leikur á morgun gegn Fylki í Pepsídeild karla en leikurinn fer fram í Árbænum. Leikurinn átti upphaflega að fara fram klukkan 18:00 en hann hefur nú verið færður til 19:15 þar sem hann verður í beinni útsendingu á Stöð 2 Sport. Heimir Hallgrímsson, þjálfari ÍBV fylgdist vel með sínum leikmönnum um helgina og voru […]

Næturferð Herjólfs aflýst

Mjög vel hefur gengið að flytja Þjóðhátíðargesti frá Eyjum. Í nótt, aðfaranótt miðvikudags var áætlað að sigla næturferð klukkan 2:30 en ferðin hefur verið felld niður. Miðar í þessa ferð gilda í aðrar ferðir í dag og á morgun en allir þeir sem áttu bókað fyrir bíla í þessa ferð, þurfa að endurbóka. (meira…)

Við erum slegin yfir þessu

„Við erum slegin yfir þessu; Vestmannaeyingar, þjóðhátíðanefndin, við öll yfir því að gestir okkar hafi orðið fyrir fólskulegum árásum. Þetta er áfall,“ segir Páll Scheving Ingvarsson, formaður Þjóðhátíðarnefndar í Vestmannaeyjum, en tilkynnt hefur verið um fimm kynferðisbrot á hátíðinni. (meira…)

Kannabisræktun stöðvuð í Vestmannaeyjum

Lögreglan í Vestmannaeyjum lagði hald á þrjár kannabisplöntun við húsleit í íbúð í Vestmannaeyjum í gærkvöldi. Einnig var lagt hald á búnað til ræktunar. Húsráðandinn var færður til yfirheyrslu vegna málsins og viðurkenndi aðild að málinu. Talið er að fleiri tengist ræktuninni og er málið í rannsókn. (meira…)

�??Býst við að hoppa beint inn í liðið�??

„Þetta er allt klappað og klárt. Ég tek leikinn með ÍBV á miðvikudaginn og flýg út daginn eftir,“ sagði Eiður Aron Sigurbjörnsson sem hefur skrifað undir samning til fjögurra ára við sænska úrvalsdeildarfélagið Örebro. Eiður er 21 árs gamall miðvörður og hefur verið einn besti leikmaður ÍBV síðustu ár en heldur nú til Svíþjóðar. (meira…)

Árni gefur út disk með sjómannalögum

Um þessar mundir er að koma út diskurinn Fullfermi af sjómanna­söngvum með Árna Johnsen. Fjölmargir þjóðþekktir tónlistarmenn flytja nokkur af vinsælustu sjómannalögum þjóðarinnar með Árna, m.a. söngv­ararnir Kristján Jóhannsson og Ragnar Bjarnason en um er að ræða tvo geisladiska með 41 lagi. Lögin spanna áratuga tímabil en á disknum má bæði finna ný lög og […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.