Day: 15. nóvember, 2011

Bikarleik ÍBV og Hauka frestað til morguns

Vegna skýja sem liggja mjög lágt í Eyjum í dag, hefur leik ÍBV og Hauka í Eimskipsbikarnum verið frestað til morguns, miðvikudags og verður leikurinn kl. 18.30. (meira…)

Umhverfisstofnun fellur frá dagsektum

Umhverfisstofnun hefur fallið frá dagsektum, sem lagðar höfðu verið á Sorporkustöð Vestmannaeyja frá 6. júlí sl. Þetta kom fram á fundi framkvæmda- og hafnarráðs í gærdag. Er þetta gert í framhaldi af niðurstöðum mælinga vegna ryks frá útblæstri stöðvarinnar, sem reyndust eftir allt ekki eins slæmar og stofnunin sagði. (meira…)

�?tlitið svart

Eins og áður hefur komið fram, munu ÍBV og Haukar mætast í kvöld í 16 liða úrslitum Eimskipsbikarsins. Leiknum verður lýst í textalýsingu hér á Eyjafréttum en leikurinn hefst klukkan 19:00. Reyndar er nú svarta þoka í Vestmannaeyjum eins og er en Haukar og dómarapar leiksins ætluðu að fljúga til Eyja. (meira…)

�?etta verður leikur sem á eftir að fara í sögubækurnar

Eyjamaðurinn sterki, Kári Kristján Kristjánsson hefur leikið bæði með ÍBV og Haukum en línumaðurinn knái leikur í dag í þýsku úrvalsdeildinni með Wetzlar. Kári var fenginn til að spá í spilin fyrir leik liðanna í Eimskipsbikarnum í kvöld en hann er á því að þetta verði leikur sem muni fara í sögubækurnar. (meira…)

Erum að mæta besta liði Íslands

ÍBV tekur í kvöld á móti Haukum í 16 liða úrslitum Eimskipsbikar karla. Leikurinn hefst klukkan 19:00 í Íþróttamiðstöðinni í Eyjum en þarna mætast toppliðin í deildunum tveimur. ÍBV er í efsta sæti 1. deildar og hefur tapað einum leik. Sömu sögu er að segja af Haukum, þeir eru í 1. – 2. sæti og […]

Sóttu konu í barnsnauð

Þyrla Landhelgisgæslunnar sótti seinnipart dags konu í barnsnauð til Vestmannaeyja en vegna svartaþoku var ekki hægt að lenda flugvél í Eyjum. Við komuna til Reykjavíkur var konan flutt á Landspítala með sjúkrabifreið. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.