Day: 4. september, 2012

ÍBV í annað sætið

ÍBV gerði heldur betur góða ferð í Garðabæinn í kvöld þegar liðið lék gegn Stjörnunni í Pepsídeild kvenna. Fyrir leikinn var Stjarnan í öðru sæti með 35 stig og átti enn tölfræðilegan möguleika á að verða Íslandsmeistari. ÍBV var í þriðja sæti með 32 stig og gat því með sigri komist upp í annað sætið […]

Sjálfstæðismenn í Eyjum einnig ósáttir

Stjórn Sjálfstæðisfélagsins í Vestmannaeyjum og stjórn fulltrúaráðs Sjálfstæðisfélaganna í Vestmannaeyjum lýsa yfir vonbrigðum með ákvörðun formanns og þingflokks Sjálfstæðisflokksins um að skipta um þingflokksformann. Ljóst er að með þessum breytingum er forystusveitin öll skipuð aðilum af höfuðborgasvæðinu og það þrátt fyrir að eitt sterkasta vígi flokksins sé Suðurkjördæmið. (meira…)

Harma ákvörðun um að skipta um þingflokksformann

Ungir sjálfstæðismenn í Suðurkjördæmi harma þá ótrúlegu ákvörðun þingflokks Sjálfstæðisflokksins að skipta um þingflokksformann flokksins. Það vekur furðu að þingflokkur Sjálfstæðisflokksins hafi ákveðið á þessum tímapunkti að gera breytingar á þingflokksformanni, sérstaklega í ljósi þess að Suðurkjördæmið er sterkasta vígi Sjálfstæðisflokksins nú um stundir. (meira…)

Jón �?lafs, Björgvin H. og svo frítt á ball á eftir fyrir árgangsmótin

Jón Ólafs og Björgin Halldórsson, Af fingrum fram og Dans á rósum á balli. Allt í Höllinni í laugardagskvöld. Jón Ólafsson kemur með þessa frábæru uppsetningu sína, Af fingrum fram, til Eyja á laugardagskvöld. Gestur Jóns er enginn annar en Björgvin Halldórsson. Þeir fara yfir feril Björvins í léttu spjalli og flytja lögin hans, með […]

�?rslitaleikur um annað sætið í kvöld

Annað sætið í Íslandsmótinu er í húfi í kvöld þegar ÍBV sækir Stjörnuna heim í næst síðustu umferð Pepsídeildar kvenna. Með sigri tryggir Stjarnan sér annað sætið en vinni ÍBV, eru liðin jöfn að stigum fyrir síðustu umferðina. Stjarnan er sem stendur í öðru sæti með 35 stig en ÍBV er í því þriðja með […]

Eins og hellt væri úr fötu í gær

Eftir gott og sólríkt sumar, eiga Eyjamenn erfitt með að venjast mikilli rigningu eins og var í gær, mánudag. Þá rigndi um tíma eins og hellt væri úr fötu og rigndi svo mikið að litlar lækjarsprænur mynduðust í fjallinu ofan við Kaplagjótu. Óskar J. Sigurðsson í Stórhöfða hafði samband við ritstjórn Eyjafrétta.is og leiðrétti úrkomutölur […]

Stefnt að brottför

Stefnt er að brottför Herjólfs í dag þ.e. frá Eyjum kl 08:30 og frá Landeyjahöfn 10: 00 og siglingum skv. áætlun í dag þriðjudag. Við hvetjum farþega okkar að fylgjast með fréttum á www.herjolfur.is, facebook síðu Herjolfs og síður 415 í textavarpi. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.