Day: 30. október, 2012

Glæsilegur sigur hjá ÍBV

ÍBV og FH höfðu sætaskipti í N1 deildinni í kvöld en ÍBV vann glæsilegan sigur á Hafnfirðingum. Lokatölur urðu 27:18 og fer ÍBV því upp í þriðja sæti deildarinnar en FH niður í það fjórða. Florentina Stanciu, markvörður ÍBV fór enn á ný á kostum í marki ÍBV en hún varði alls 23 skot, þar […]

Verk Júlíönu Sveinsdóttur á frímerki

Íslandspóstur gefur út jólafrímerkin 2012 fimmtudaginn 1. nóvember en sama dag kemur út frímerkjaröð um aðra kynslóð frumkvöðla íslenskrar myndlistar. Í frímerkjaröðinni eru gefin út fjögur frímerki að þessu sinni, m.a. frímerki með mynd Júlíönu Sveinsdóttur, Frá Vestmannaeyjum. (meira…)

Lenti í vandræðum í Höfðavík

Ökumaður pallbíls lenti í vandræðum í Höfðavík, við Stórhöfða á Heimaey í dag. Hann hafði ekið bíl sínum niður í sandfjöruna, niður í átt að sjávarmálinu en þegar hann hugðist snúa við, sat bíllinn fastur. Lögreglan í Vestmannaeyjum fékk félaga í Björgunarfélagi Vestmannaeyja til að koma með tvo öfluga bíla til að draga bílinn úr […]

KFR á fjórar í U17 ára landsliðsæfingahópi

Enn bætist rós í hnappagatið hjá iðkendum uppöldum í KFR. Alls voru fjórar stúlkur valdar í U17 ára landsliðsæfingahóp kvenna. Greinilega er árangur erfiðisins að skila sér hjá stelpunum. Þetta er mikil hvatning fyrir þá sem yngri eru og sýnir svo ekki verði um villst að landsbyggðin á góða möguleika á að komast langt í […]

Toppslagur í kvennaboltanum í dag

Kvennalið ÍBV tekur á móti FH í N1 deild kvenna í dag í Íþróttamiðstöðinni en leikur liðanna hefst klukkan 18:00. Eyjakonur hafa verið á ágætu skriði undanfarið, hafa unnið síðustu tvo leiki sína, báða á útivelli gegn Aftureldingu og Selfossi. ÍBV er í fjórða sæti eftir fimm leiki, með sjö stig, eftir þrjá sigurleiki eitt […]

Erlend lið skoða Fanndísi

Í Morgunblaðinu í dag kemur fram að erlend lið eru að skoða Eyjastelpuna og knattspyrnukonuna Fanndísi Friðriksdóttur. Fanndís, sem ólst upp í Eyjum og spilaði í yngri flokkum ÍBV, hefur leikið með Breiðabliki undanfarin ár og verið einn besti leikmaður efstu deildar kvenna. Hún hefur auk þess leikið 33 landsleiki og fjölda leikja fyrir yngri […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.