Day: 29. janúar, 2026

Foreldrar Elliða stolt á leið til Danmerkur

Elliði Snær Viðarsson hefur verið magnaður með íslenska landsliðinu á Evrópumótinu í handbolta. Elliði hefur tvisvar sinnum verið markahæstur í liði Íslands á þessu móti og var í leiknum mikilvæga gegn Slóvenum valinn maður leiksins.  Eins og flestir Eyjamenn vita eru foreldrar Elliða, Dóra Björk Gunnarsdóttir og Viðar Einarsson. Þegar við settum okkur í samband […]

Dýpi ekki nægjanlegt í Landeyjahöfn — Herjólfur fer til Þorlákshafnar

Eftir siglingar dagsins til Landeyjahafnar er ljóst að dýpið er ekki nægjanlegt eins og vonast var til. Þetta segir í tilkynningu frá Herjólfi ohf. Þar segir enn fremur að Herjólfur muni því sigla til Þorlákshafnar á morgun, föstudag samkvæmt eftirfarandi áætlun fyrri hluta dags: Brottför frá Vestmannaeyjum kl. 07:00. Brottför frá Þorlákshöfn kl. 10:45. Varðandi […]

Sigurmark ÍBV kom í blálokin gegn Fram

Kvennalið ÍBV í handbolta vann mikilvægan eins marks sigur á Fram, 32-31, í 15. umferð Olís deildar kvenna í Eyjum í kvöld. Fram konur byrjuðu leikinn betur og komust í 0-3 á upphafs mínútum leiksins. Eyjakonur náðu að jafna og var jafnræði með liðunum næstu mínútur. Eftir stundarfjórðung komst ÍBV þremur mörkum yfir, 10-7. Fram […]

Andlát: Þórunn Pálsdóttir

Í gær lést móðir okkar, tengdamóðir, amma, langamma og langalangaamma, Þórunn Pálsdóttir frá Þingholti í Vestmannaeyjum á 98. aldursári. Síðustu árin var hún á Hraunbúðum þar sem hún naut góðrar aðhlynningar. Eiginmaður Þórunnar, Grétar Þorgilsson lést þann 31. maí árið 2020. Á meðan heilsan leyfði var hún virk í starfi Oddfellow, fór hún í sund […]

Mílan Jezdimirovic skrifar undir samning við ÍBV

Serbneski leikmaðurinn Milan Jezdimirovic hefur skrifað undir samning við knattspyrnudeild ÍBV.  Milan er 29 ára og í tilkynningu á samfélagsmiðlum ÍBV segir hann sé þekktur fyrir líkamlegan styrk og taktíska getu. Hann hefur reynslu úr efstu deild Serbíu auk þess sem hann hefur spilað í Möltu og Litháen. Hann getur leyst nokkrar stöður á vellinum. […]

Aukum loðnuveiðar

_DSC0145

Það er ekki skoðun heldur staðreynd að afrakstur núverandi ráðgjafar í loðnu hefur verið afar rýr en  í svari við fyrirspurn minni á þingi í vetur segir orðrétt: “.. meðalloðnuafli á árabilinu 1985–2015 var um 765 þúsund tonn en árin 2016–2025 var hann 191 þúsund tonn.” Það að aflinn sé nú að jafnaði um fjórðungur […]

Eyjagöng gera samninga um jarðfræðirannsóknir

Eyjagöng ehf. hafa náð mikilvægum áfanga í undirbúningsferli jarðganga á milli lands og Vestmannaeyja með því að ganga til samninga við verkfræðistofuna Eflu og verkfræði- og jarðfræðistofuna Völuberg. Fyrirtækin munu sameiginlega annast jarðfræðiþjónustu vegna kjarnaborana og fýsileikamats verkefnisins. Ákvörðun um samstarfið var tekin að loknu vönduðu valferli og í nánu samráði við Vegagerðina. Í tilkynningu frá […]

Kristmundur Axel meðal listamanna á Hljómey

Skipuleggjendur Hljómeyjar hafa tilkynnt þriðja listamanninn sem fram kemur á hátíðinni í ár og er það tónlistarmaðurinn Kristmundur Axel. Í tilkynningunni kemur einnig fram að nú séu alls 14 listamenn staðfestir á hátíðina í ár og von sé á frekari tilkynningum á næstu dögum. Kristmundur hefur verið virkur í íslensku tónlistarlífi um árabil og vakti […]

Dýptarmæling í Landeyjahöfn í dag – uppfært

User comments

Lóðsinn stefnir á að sigla til Landeyjahafnar eftir hádegi í dag til þess að framkvæma óformlega dýptarmælingu í höfninni með von um að sjá hver staðan er á dýpinu í höfninni. Í tilkynningu frá Herjólfi ohf. segir að komi mælingarnar vel út stefni Herjólfur á að sigla þangað seinnipartinn í dag, kl. 16:00 frá Vestmannaeyjum […]

Rakel Rut Rúnarsdóttir fimleikakona ársins hjá Rán

Rakel Rut Rúnarsdóttir er fimleikakona ársins 2025 hjá Fimleikafélaginu Rán. Rakel Rut er fædd árið 2010 og er því 16 ára gömul á þessu ári. Rakel byrjaði að æfa fimleika þegar hún var níu ára en æfir nú með elsta hóp félagsins sem samanstendur af iðkendum í 8. – 10. bekk. Ásamt því að æfa […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.