Skipuleggjendur Hljómeyjar hafa tilkynnt þriðja listamanninn sem fram kemur á hátíðinni í ár og er það tónlistarmaðurinn Kristmundur Axel. Í tilkynningunni kemur einnig fram að nú séu alls 14 listamenn staðfestir á hátíðina í ár og von sé á frekari tilkynningum á næstu dögum.

Kristmundur hefur verið virkur í íslensku tónlistarlífi um árabil og vakti nýverið athygli fyrir lag sem hann gaf út í samstarfi við GDRN. Hann er þekktur fyrir sterka sviðsframkomu og kraftmikla tónlist og telja skipuleggjendur hann falla einstaklega vel að stemningu Hljómeyjar.

Hljómey fer fram þann 24. apríl næstkomandi og hefst miðasala föstudaginn 6. febrúar á midix.is. Fram kemur að færri miðar verði í boði en í fyrra og því sé líklegt að miðasalan gangi hratt fyrir sig.

Hátíðin er haldin nú í fjórða sinn og hefur notið mikilla vinsælda síðustu ár.