Day: 29. desember, 2007

Stelpurnar unnu Áramótið

Það var mikið fjör í íþróttamiðstöðinni í Vestmannaeyjum í dag þegar Áramótið í knattspyrnu var haldið. Um var að ræða firmakeppni þar sem leikið var á handboltavelli og á handboltavöll. Eitt lið samanstóð eingöngu af ungum knattspyrnukonum og gerðu þær sér lítið fyrir og sigruðu mótið. (meira…)

Heildarupphæð gjafa á árinu yfir 40 milljónir

Í dag veitti starfsfólk Heilbrigðisstofnunarinnar í Vestmannaeyjum viðtöku þeim gjöfum sem stofnuninni hefur borist á árinu. Fyrir daginn í dag höfðu einstaklingar og félög gefi stofnuninni tæki og tól fyrir tæplega 29 milljónir króna og vó þar þyngst tölvusneiðmyndatæki sem Bjarni Sighvatsson og félagar gáfu í samstarfi við Kvenfélagið Líkn. Bjarni og fjölskylda hans bætti […]

Flottar myndir

Áramótin er tími uppgjöra. Þá lítur fólk yfir farinn veg, fyrirtæki gera upp sín mál og svo er að horfa til næsta árs. Hvernig skyldi það verða. – Hér eru nokkrar einstakar myndir sem teknar voru á árinu 2007. (meira…)

Öruggir flugeldar borga sig

Fyrir skömmu riðu þrjú óveður yfir landið á einni viku og þurftu fjölmargir landsmenn á aðstoð að halda af þeim sökum. En til hverra leitar almenningur á slíkum stundum? Til leikara og skemmtikrafta? Til bíla- og heildsala? Nei, því þegar hætta steðjar að treystir fólk á að björgunarsveitir komi til hjálpar, sem þær og gera.Nú […]

Flugeldasalan er undirstaðan í rekstri félagsins og alls starfs á þess vegum

Í gær opnaði flugeldamarkmaður Björgunarfélags Vestmannaeyja við Faxastíg en flugeldasalan er stærsta fjáröflun Björgunarfélagsins. Björgunarfélagið er öflugt félag á landsvísu en félagið á og rekur björgunarbátinn Þór sem er eitt alöflugast björgunarskip landsins. Rekstur félagsins er að stórum hluta byggður á flugeldasölunni og er hún undirstaðan í rekstri félagsins og tryggir Björgunarfélaginu þann búnað og […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.