Day: 31. desember, 2007

Gleðilegt ár

Eigendur www.eyjar.net óskar eyjamönnum nær og fjær gleðilegs árs og þakka fyrir samfylgdina á árinu sem er að líða. Á næsta ári höldum við áfram uppbyggingu á eyjar.net og geta notendur gert ráð fyrir breytingum á næstu vikum á eyjar.net. Frá því að 24seven tók við rekstri eyjar.net hefur vefurinn stækkað og dafnað og er […]

Kærður fyrir akstur um borð í skipi

Lögreglan á Selfossi kærði ökumann um borð í Herjólfi í liðinni viku en maðurinn var að hagræða bifreið sinni í stæði um borð í skipinu. Reyndist maðurinn vera ökuréttindalaus en hann hafði verið sviptur ökuleyfi. Samkvæmt upplýsingum frá lögreglu er þetta í fyrsta skipti sem lögreglan á Selfossi kærir ökumann fyrir að aka bifreið sviptur […]

Fjölmenni í styrktarhlaupi Krabbameinssjúkra

Í morgun fór fram styrktarhlaup Krabbameinssjúkra en hlaupið var frá Stórhöfð og niður í Friðarhöfn þar sem hlauparanna beið veisla hjá Grími Kokki. Þrátt fyrir leiðindaveður og erfiða færð var þátttakan frábær en um 70 manns tóku þátt í hlaupinu, hlupu eða gengu leiðina niður í bæ. Þátttakendur greiddu 1500 krónur sem rennur óskert til […]

Helgafell best skreytta húsið í Vestmannaeyjum

Í dag afhenti Lions í Vestmannaeyjum og Hitaveita Suðurnesja viðurkenningu fyrir best skreytta húsið og best skreyttu götuna í Vestmannaeyjum. Þetta er í áttunda sinn sem þessi verðlaun eru veitt en best skreytta húsið að þessu sinni er Helgafell, sem stendur í hlíðum samnefnds fjalls. Þá var Bárustígur valin best skreytta gatan. (meira…)

Áramótaballið færist í Kiwanishúsið

Hinn árlegi áramótadansleikur, sem hljómsveitin Dans á Rósum stendur fyrir hefur verið færður úr Höllinni og í Kiwanishúsið. Ekki fékkst leyfi fyrir ballinu í Höllinni en reynt var fram á síðustu stundu og fékkst lokasvar nú rétt fyrir hádegi. Miðaverð á ballið í Kiwanis er aðeins 2000 kr., húsið opnar klukkan tvö eftir miðnætti og […]

Góð veðurspá fyrir kvöldið

Samkvæmt veðurnetmiðlum er spá fyrir gamlárskvöld góð en gert er ráð fyrir suðaustan átt og úrkomulausu veðri í kvöld. Brenna verður við Hásteinsvöll í dag klukkan 17:00 og munu félagar í Björgunarfélagi Vestmannaeyja sjá um flugeldasýninguna. (meira…)

Miðnæturbomban innkölluð

Slysavarnafélagið Landsbjörg hefur innkallað flugeld sem kallaður er Miðnæturbomban þar sem vart hefur orðið við galla í slíkum flugeldum. Miðnæturbomban er stór flugeldur sem hefur verið seldur fyrir þessi áramót á flugeldamörkuðum björgunarsveitanna. Er fólk sem hefur slíka flugelda undir höndum beðið um að skila þeim á sölustaði björgunarsveitanna. (meira…)

Búnaður fyrir 38 milljónir

Sjúkrahúsið í Vestmannaeyjum fékk góðar gjafir í fyrradag þegar velunnarar gáfu sjúkrarúm og tæki að andvirði um 38 milljóna króna. Athafnamaðurinn Bjarni Sighvatsson hafði veg og vanda að gjöfinni, en hann gekk á fund fyrirtækja og fékk þau í lið með sér við að styrkja spítalann. Auk þess kom kvenfélagið Líkn að gjöfinni, en félagskonur […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.