Day: 19. mars, 2008

ST�?RKOSTLEGUR ROKKS�?NGLEIKUR

Leikfélag NFSu er nú að leggja lokahönd á stórglæsilegan rokksöngleik sem frumsýndur verður þann 27. mars nk. Söngleikurinn sem heitir TIL SÖLU verður sýndur í ófullgerðum menningarsal Hótel Selfoss. Þetta er stærsta og viðamesta verkefni sem félagið hefur nokkru sinni lagt í og er sannkallaður atvinnumannsbragur á sýningunni. (meira…)

Samstaða fyrir bí

Ekki tókst að stofna sameiginlegan hafnarsjóð um Landeyjahöfn í eigu Vestmannaeyjabæjar og Rangár­þings Eystra en búið var að semja um að höfnin yrði opinbert hluta­félag. Þar sem samningar tókust ekki hefur framkvæmda- og hafnarráð lýst yfir fullum vilja Vest­mannaeyjahafnar til að annast rekst­ur Landeyjahafnar og gera sam­komu­lag við samgönguráðuneytið um Landeyjahöfn sem verður lands­höfn í […]

Litla-Hraun á Eyrarbakka stækkað um helming

Klefum í fangelsinu á Litla-Hrauni verður fjölgað um 50 – 60 og framundan er mikil uppbygging á svæðinu. Horfið verður frá fangelsisuppbyggingu í Reykjavík að öðru leyti en því að gæsluvarðhald og fangamóttaka verður á höfuðborgarsvæðinu. Þetta kom fram á fundi Björn Bjarnasonar, dómsmálaráðherra, með starfsfólki Litla-Hrauns á mánudag. (meira…)

REC Group til �?lfuss

Það er norska fyrirtækið REC Group sem hyggur á uppbyggingu kísilvinnslu í Þorlákshöfn í sveitarfélaginu Ölfusi. Fyrir þessu hafa 24 stundir staðfestar heimildir. Höfuðstöðvar REC Group eru staðsettar í Ósló í Noregi og félagið er með starfsemi þar í landi, í Svíþjóð og í Bandaríkjunum. (meira…)

Vélsleðinn sagði stopp á miðju Laugarvatni

Þegar vélsleðamaður var að skemmta sér við að fleyta sleða sínum á Laugarvatni vildi ekki betur til en að sleðinn drap á sér á afar óheppilegum stað. Lánið var það að ekki var mjög djúpt á þeim slóðum sem vélsleði mannsins sagði stopp og honum varð ekki meint af volkinu. (meira…)

Fleiri drengir en stúlkur

ÁRIÐ 2007 fæddust 4.560 börn hérlendis, 2.359 drengir og 2.201 stúlka. Það eru fleiri börn en árið áður, en þá fæddust hér 4.415 börn. Frjósemi íslenskra kvenna var heldur meiri árið 2007 en nokkur síðustu ár en hún er reiknuð sem fjöldi lifandi fæddra barna á ævi hverrar konu (uppsafnað frjósemishlutfall), samkvæmt upplýsingum á vef […]

Íslendingar geta ekki lagað stöðuna á markaðnum

Árni Mathiesen fjármálaráðherra leggur áherslu á að stöðuna á íslenska fjármálamarkaðinum megi rekja til atburða sem séu að gerast úti í heimi. Í samtali við Ísland í dag sagði Árni að Íslendingar gætu ekki haft áhrif á þá þróun. Árni vill ekki tilgreina nákvæmlega hvað þyrfti að gerast til þess að íslensk stjórnvöld gripu inn […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.