Day: 7. apríl, 2008

Jafntefli í síðasta leik æfingaferð ÍBV

Leikmenn ÍBV í meistaraflokki karla léku sinn fjórða æfingaleik á átta dögum í Tyrklandi í gær. Mótherjarnir voru Víkingar frá Ólafsvík. Leiknum lyktaði með 2-2 jafntefli. Víkingar komust í 2-0 en Eyjamenn jöfnuðu í síðari hálfleik. Mörkin skoruðu Egill Jóhannsson og Ingi Rafn Ingibergsson. Síðasta æfing liðsins var svo kl 09:00 í morgun og liðið […]

Innbrot í grunnskólann á Flúðum

Rétt eftir klukkan tvö aðfaranótt síðastliðins fimmtudags komu boð til lögreglu frá öryggisfyrirtæki um yfirstandandi innbrot í grunnskólann á Flúðum. Lögreglumenn brugðust hratt við og fóru á vettvang jafnframt því sem lögreglubifreið fór inn á Laugarvatnsveg ef vera kynni að þjófarnir færu þá leið. Það bar vel í veiði: (meira…)

Ráðist að 16 ára dreng.

Þrír sautján ára piltar veittust að sextán ára pilti í gærkvöldi, sunnudag. Atvikið átti sér stað á á hjólabrettasvæði við sundlaugina á Selfossi. Árásarmennirnir komu að hjólabrettasvæðinu á tveimur bifreiðum, stigu út réðust að drengnum sem var á hjólabretti. (meira…)

Nýr formaður SAF – Árni Gunnarsson

Árni Gunnarsson, framkvæmdastjóri Flugfélags Íslands, var kosinn formaður Samtaka ferðaþjónustunnar á aðalfundi samtakanna síðastliðinn fimmtudag. Jón Karl Ólafsson, sem hafði gegnt formennsku síðastliðin 5 ár, gaf ekki kost á sér til endurkjörs. Árni hefur starfað í ferðaþjónustu í fjölmörg ár og var á síðasta ári formaður flugnefndar SAF. Ferðamálastofa býður nýjan formann SAF velkomin og […]

Vantar upplýsingar um tjónvald, sem ók á brott

Ein eignaspjöll voru tilkynnt til lögreglu um helgina en um er að ræða rúðubrot í verslun Axel Ó þar sem bjórflösku var hent í rúðuna þannig að ytra birgði hennar brotnaði. Grunur leikur á hver þarna er að verki og er málið í rannsókn. (meira…)

Jarðvegsvinna vegna vatnsverksmiðju hafin

Jarðvegsvinna vegna byggingar vatnsútflutningsverksmiðju í Vestmannaeyjum hófst í gærmorgun. Í fyrsta áfanga verður byggt 500 fermetra hús en síðar er gert ráð fyrir 2000 fermetra viðbyggingu. Verður mest allt efni í húsið flutt inn í einingum og sett saman á staðnum. Er gert ráð fyrir að allt efni í húsið verði komið til Eyja í […]

80 lítrar af bjór á mann

Hver Íslendingur neytti að meðaltali 80 lítra af bjór á síðasta ári. Áfengisneysla hér hefur aukist meira en annars staðar á Norðurlöndum á síðustu þrettán árum. Þá eykst neysla sterkari drykkja. Neysla hvers íbúa að meðaltali, 15 ára og eldri hefur aukist úr 4,3 alkóhóllítrum á ári í 7,5 lítra á tæpum þrjátíu árum. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.