Day: 8. apríl, 2008

Banaslys á Eyrarbakkavegi

Banaslys varð á Eyrarbakkavegi skammt frá Selfossi á tólfta tímanum í morgun. Slysið varð með þeim hætti að jeppling var ekið af Kaldaðarnesvegi inn á Eyrarbakkaveg í veg fyrir vörubifreið sem ekið var til suðurs. Ökumaður jepplingsins var úrskurðaður látinn á vettvangi eftir að lífgunartilraunir höfðu ekki borið árangur. Þyrla var ræst út en afturkölluð. […]

Tríkot, Dans á rósum og Logar á litla pallinum

Það verða Eyjaböndin Tríkot, Dans á rósum og Logar sem munu halda uppi stuðin á litla pallinum á Þjóðhátíðinni 2008. Friðbjörn Ólafur Valtýsson, framkvæmdastjóri ÍBV staðfesti það fyrir stundu að búið væri að semja við stórhljómsveitirnar þrjár og bætti því við að mikil ánægja ríkti með að fá þrjú Eyjabönd til að spila á litla […]

Stefán Björn til liðs við KFS

Stefán Björn Hauksson er gengin aftur í raðir KFS frá ÍBV en hann lék með liðinu síðasta sumar. Bæði þess lið eru úr Vestmannaeyjum en Stefán gekk í raðir ÍBV fyrir síðustu leiktíð frá KFS þar sem hann hafði leikið í þrjú tímabil en þar áður lék hann með ÍBV. Hann spilaði áttján leiki með […]

Nýr framkvæmdastjóri Atvinnuþróunarfélags Suðurlands

Stjórn Atvinnuþróunarfélags Suðurlands hefur gengið frá ráðningu Sædísar Ívu Elíasdóttur sem framkvæmdastjóra hjá félaginu frá og með 7. apríl sl. Sædís Íva er fædd í Reykjavík 1967. Hún er rekstrarfræðingur frá Bifröst og viðskiptafræðingur MBA frá Háskóla Íslands. (meira…)

Stórsveit Suðurlands á Selfossi í kvöld

Stórsveit Suðurlands heldur tónleika í kvöld þriðjudagskvöldið 8. apríl á Riverside Hótel Selfossi kl. 20.30. Með stórsveitinni koma fram söngkonurnar Kristjana Stefánsdóttir og Guðlaug Dröfn Ólafsdóttir. Stjórnandi er Vignir Þór Stefánsson Á dagskrá verður stórsveitarsveifla af bestu gerð. (meira…)

Guðný Hrund á þingi

Guðný Hrund Karlsdóttir settist á þing í gær sem alþingismaður úr Suðurkjördæmi fyrir Samfylkinguna. Það í fyrsta sinn sem Guðný Hrund situr á þingi en hún var í fjórða sæti S-listans í kjördæmi við kosningarnar í fyrravor. Guðný er viðskiptastjóri hjá hugbúnaðarfyritækinu Maritech, en ekki alveg ókunnug þingvafstri: (meira…)

Samúel �?rn á þingi

Samúel Örn Erlingsson, íþróttafréttamaður til margra ára, tók sæti á Alþingi í gær í fjarveru Sivjar Friðleifsdóttur, þingflokksformanns Framsóknarflokksins. Samúel er fyrsti varamaður flokksins í Suðvesturkjördæmi. Samúel Örn Erlingsson er fæddur á Uxahrygg á Rangárvöllum 12.nóvember 1959, annar í röð fimm systkina og ólst upp á Hellu á Rangárvöllum. (meira…)

Fundað með sérgreinastjórum Unglingalandsmóts

Myndin hér til hliðar er af sérgreinastjórum Unglingalandsmótsins í Þorlákshöfn ásamt starfsmanni og formanni nefndarinnar. Þessir aðilar, auk framkvæmdastjóra, mættu til fundar í Þorlákshöfn sl. mánudag þar sem farið var yfir hlutverk þeirra ofl. (meira…)

Bítlar, blúsar og Beethoven

Næstu tónleikar Tóna við hafið verða í Versölum, Þorlákshöfn, í kvöld þriðjudaginn 8. apríl kl. 20. Sardas kvartettinn flytur fjölbreytta efnisskrá undir yfirskriftinni Bítlar, blúsar og Beethoven. Kvartettinn skipa: (meira…)

Rafmagnslaust vegna vinnu í dreifistöð

Vegna vinnu í dreifistöð verður rafmagn tekið af eftirtöldum götum frá klukkn 24.00 aðfaranótt miðvikudags 9. apríl og fram eftir nóttu: Herjólfsgötu, Reglubraut, Miðstræti (frá Herjólfsgötu að Bárugötu), Vestmannabraut (frá Bárugötu að Heiðarvegi), Vesturvegi (frá Heiðarvegi að Bárugötu), Strandvegi (hús nr. 37, 39, 43A). (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.