Day: 3. maí, 2008

Ekið á unga stúlku á Selfossi

Ekið var á unga stúlku á Selfossi í kvöld. Ökumaður bifreiðarinnar fylgdi stúlkunni heim til hennar þar sem hann talaði við foreldra stúlkunnar. Þeir fóru með hana á Heilbrigðisstofnun Suðurlands til skoðunar hjá lækni og var hún síðan flutt áfram á slysadeild Landspítalans í Fossvogi til frekari rannsókna. (meira…)

ÍBV endaði í neðsta sæti

Karlalið ÍBV endaði í neðsta sæti N1 deildarinnar en þrátt fyrir að vera löngu fallið, skýrðist það ekki fyrr en í dag hvort liðið endaði í neðsta eða næst neðsta sæti. Þrátt fyrir ágætis gengi á lokakafla Íslandsmótsins tókst Eyjamönnum ekki að komast upp úr neðsta sætinu, þar sem liðið hefur setið sem fastast. Í […]

Mikið tap á rekstri Vinnslustöðvarinnar

Tap á rekstri Vinnslustöðvarinnar var 1153 milljónir króna á fyrsta fjórðungi ársins en á sama tímabili á síðasta ári var 765 milljóna króna hagnaður á rekstrinum. Segir félagið að skýringa þessara breytinga er fyrst og fremst að leita í fjármagnsliðum félagsins. Heildartekjur félagsins voru 1623 milljónir króna en 1750 milljónir króna á sama tímabili í […]

Sigurður skoraði átta og Elverum er Noregsmeistari

Sigurður Ari Stefánsson skoraði átta mörk þegar Elverum tryggði sér Noregsmeistaratitilinn í handknattleik með sigri á Drammen. Leikurinn fór fram í Bergen og var úrslitaleikur um titilinn en leikurinn endaði 33:31 fyrir Elverum. Ingimundur Ingimundarson skoraði sjö mörk en þjálfari liðsins er Axel Stefánsson og var þetta síðasti leikur liðsins undir hans stjórn. (meira…)

Góðum körfuboltavetri lokið

Fimmtudaginn 1. maí fór fram lokahóf yngri flokka körfuboltans hjá ÍBV. Árangur körfuknattleiksliða frá Vestmannaeyjum hefur aldrei verið betri og því næg ástæða til að fagna góðum árangri en auk þess voru fjölmörg einstaklingsverðlaun veitt. Leikmenn fjölmenntu auðvitað á hófið en fjölmargir foreldrar einnig og þar sem veðurblíðan var einstök á fimmtudag, þá skelltu allir […]

Söngleikur í Versölum sunnudaginn 4. maí klukkan 14:00

Síðustu tónleikar Tóna við hafið á þessum vetri verða sunnudaginn 4. maí, þegar fluttur verður söngleikurinn Lifandi skógur í Versölum, Ráðhúsi Ölfuss.Tónleikarnir eru skipulagðir í samstarfi við Tónlistarskóla Árnesinga og Grunnskóla Þorlákshafnar. (meira…)

Hjálma- og hjóladagurinn í dag

Kiwanisklúbburinn Helga­fell, Eimskip og Flytjandi ætla að gefa börnum grunnskólanna, sem byrjuðu í 1. bekk síðast­liðið haust, öryggishjálma. Hjálmarnir verða afhentir í dag, laugardag, 3. maí kl. 11 á planinu við Kiwanishúsið. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.