Day: 23. maí, 2008

Sigurður bestur annað árið í röð

Sigurður Bragason, fyrirliði og leikmaður meistaraflokks karla í handbolta, var í kvöld útnefndur leikmaður tímabilsins hjá liðinu. Sigurður fékk sömu nafnbót fyrir síðasta tímabil en fyrirliðinn hefur svo sannarlega farið fyrir sínu liði undanfarin ár. Þá fengu þau Heiða Ingólfsdóttir og Kolbeinn Arnarson Fréttabikarana sem eru veittir þeim ungu íþróttamönnum sem þykja hvað efnilegust en […]

Tóti maður, Gústi hirðusami, Bjössi míla, Kumlið og Gilli gulltilli

Þessa dagana er að koma í bókabúðir landsins, bók eftir Sigurgeir Jónsson frá Þorlaugargerði, sem ber nafnið Viðurnefni í Vestmannaeyjum. Í formála bókarinnar segir Sigurgeir, að mörg viðurnefni hafi niðrandi merkingu, og oft hafi þau verið gefin af illgirni og öfund. Sum viðurnefni hafa þó orðið að einkennum heilla ætta á jákvæðum nótum, svo sem […]

2:0 sigur í þriðja sinn

Karlalið ÍBV vann sinn þriðja 2:0 sigur í 1. deildinni í kvöld þegar liðið tók á móti Stjörnunni. Það var ekki langt liðið á leikinn þegar Þórarinn Ingi Valdimarsson hafði komið boltanum í netið en það gerðist á 4. mínútu. Þórarinn var í fyrsta sinn í byrjunarliði ÍBV og nýtti tækifærið vel því stuttu síðar […]

Stórsigur í fyrsta leik hjá stelpunum

Kvennalið ÍBV fór heldur betur vel af stað á ný eftir tveggja ára hlé en ÍA kom í heimsókn til Eyja í dag. Þessi fyrrum stórveldi leika bæði í 1. deild og það voru Skagastúlkur sem byrjuðu betur, komust í 0:1 undan sterkri austan áttinni. En á tveimur síðust mínútum fyrri hálfleiks tókst ÍBV að […]

Ríkisstjórnin dregur enn lappirnar varðandi Bakkafjöruferju

Kristján L. Möller, samgönguráðherra, sagði eftir ríkisstjórnarfund í dag, að engin ákvörðun hefði verið tekin um málefni nýrrar Vestmannaeyjaferju. Kristján sagði, að verið væri að fara yfir málið í samgönguráðuneytinu en ljóst væri, að útboð vegna ferjunnar hefði verið á óheppilegum tíma og fjármagnskostnaður hefði hækkað mikið. (meira…)

Nú vantar okkur vinnandi hendur í Dalinn.

Á morgun laugardag vantar okkur duglegt fólk til að ganga frá Dalnum undir tyrfingu. Stór flutningavagn kemur með þökur í Herjólfi laugardagskvöld. Þá verðum við að vera búin að ganga frá svæðinu og gera allt klárt. Hvetjum alla, sem vettlingi geta valdið til að koma í Dalinn laugardag kl. 13.00. Nú er kærkomið tækifæri fyrir […]

Fróði ÁR frá Stokkseyri aflahæstur humarbáta sem fyrr

Humarlisti númer 5. Friðrik Sigurðsson ÁR er byrjaður á humri. Smá hreyfng er á listanum að þessu sinni. Skálafell ÁR fer uppfyrir Sigurð Ólafsson SF og Þorsteinn Gíslasson GK fer uppfyrir Narfa VE og vekur það nokkra athygli þar sem eins og flestir vita þá er þónokkuð mikill stærðarmunur á milli þessara tveggja báta. Fróði […]

Sementssala jókst í apríl

Sementssala án stóriðju virðist vera að aukast en fram kemur í hagvísum Seðlabankans í dag, að ársvöxtur sölunnar í mánuðinum nam tæplega 35%. Á fyrsta fjórðungi ársins var hins vegar 1% samdráttur í sementssölu miðað við sama tímabil í fyrra. Seðlabankinn segir, að helstu vísbendingar um eftirspurn bendi til að áfram hafi hægt á vextinum […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.