Day: 7. júlí, 2008

Megas og Senuþjófarnir stela senunni á Bryggjuhátíð

Nýr viðburður hefur bæst inn í dagskrá Bryggjuhátíðar á Stokkseyri sem verður um næstu helgi en það eru tónleikar með Megas og Senuþjófunum. Tónleikarnir verða á laugardagskvöldið frá kl. 21-23:00 í stóra salnum í Lista og menningarverstöðinni. Í beinu framhaldi verður svo dansleikur á Draugabarnum með hljómsveitinni Vítamín og gildir aðgangseyrir að tónleikunum einnig fyrir […]

100 miljónir boðnar á Landsmóti

Mikil viðskipti hafa átt sér stað á Landsmóti hestamanna. Íslenskir auðmenn hafa boðið allt að hundrað milljónir króna fyrir stóðhest á Landsmóti hestamanna sem lauk í dag. Landsmót hestamanna eru ekki síður orðin markaðstorg viðskipta en íþróttakeppni að sögn þeirra sem til þekkja. Tilboð eru gerð bæði í merar og stóðhesta sem þykja skara fram […]

Ganglimir nokkurra goslokagesta létu ekki að stjórn

Lögreglan hafði í mörg horn að líta í vikunni sem leið enda töluverður fjöldi fólks í bænum í tengslum við Goslokahátíð. Hátíðin fór að mestu leiti vel fram en eins og gerist og gengur var eitthvað um pústra en engar kærur liggja fyrir. Þá þurfti lögreglan að aðstoða nokkra gesti hátíðarinnar til síns heima þar […]

Alex hættur hjá ÍBV

Alex Cerdeira, leikmaður ÍBV og stjórn knattspyrnudeildar hafa komist að samkomulagi um að leikmaðurinn yfirgefi herbúðir liðsins. Alex lofaði góðu í vorleikjum liðsins en hefur verið meiddur síðan tímabilið hófst og útséð með þátttöku hans í Íslandsmótinu. Þetta kemur fram í tilkynningu stjórnar knattspyrnudeildar á heimasíðu ÍBV sem má lesa hér að neðan. Samkvæmt heimildum […]

Vatnsleiðslan komin í land í Bakkafjöru

Í morgun hófust framkvæmdir við lagningu nýrrar vatnsleiðslu til Vestmannaeyja. Flutningaskipið Henry P. Lading er notað til að leggja leiðsluna en skipið liggur nú við ankeri um 300 metra frá landi. Hafist var handa við að koma leiðslunni í land í Bakkafjöru í morgunsárið og náði leiðslan landi um ellefu fyrir hádegi. Þegar búið verður […]

Land tekið eignarnámi

Samningaviðræður Siglingastofnunar við landeigendur á Bakka báru engan árangur. Samgönguráðuneytið fer með heimild til eignarnáms á landinu sem þarf undir fyrirhugaða Bakkafjöruhöfn. (meira…)

Vegagerðin varðveitir elstu hengibrú landsins

Yfir Örnólfsdalsá í Borgarfirði stendur enn hengibrú sem var byggð árið 1899 og er því elsta uppistandandi hengibrú landsins. Hún hefur lítið viðhald fengið en nýtur þess að þjóðleiðin norður í land færðist frá henni. Því var snemma lítil umferð yfir hana og loks lá enginn vegur að henni. Í stað þess að vegfarendur færu […]

Starfshópur um endurreisnarstarf vegna jarðskjálftanna á Suðurlandi 29. maí s.l

Ríkisstjórnin hefur ákveðið, að tillögu forsætisráðherra og dóms- og kirkjumálaráðherra, að setja á laggirnar starfshóp ráðuneyta sem ætlað er að vinna náið með fulltrúum sveitarstjórna á jarðskjálftasvæðunum á Suðurlandi við að meta hvernig fara skuli með ótryggð tjón einstaklinga og fyrirtækja svo og hvernig haga skuli fjárhagslegum stuðningi við sveitarfélög, m.a. vegna endurreisnarstarfsins. (meira…)

Ingvar áfram oddviti Grímsnes- og Grafningshrepps

Sveitarstjórn Grímsnes- og Grafningshrepps kaus nýlega oddvita og varaoddvita. Ingvar G. Ingvarsson var kosinn oddviti og Ólafur Ingi Kjartansson var kosinn varaoddviti.Athygli vekur að kosningin var leynileg, en að sögn Ingvars er hefð fyrir því í sveitarfélaginu að kosningar um oddvita séu leynilegar. Einnig var samþykkt að auka starfshlutfall oddvita úr 40% starfi í 50% […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.