Mikil viðskipti hafa átt sér stað á Landsmóti hestamanna. Íslenskir auðmenn hafa boðið allt að hundrað milljónir króna fyrir stóðhest á Landsmóti hestamanna sem lauk í dag.

Landsmót hestamanna eru ekki síður orðin markaðstorg viðskipta en íþróttakeppni að sögn þeirra sem til þekkja. Tilboð eru gerð bæði í merar og stóðhesta sem þykja skara fram úr. Algengt er að hlutafélög séu stofnuð um gripina og berjast Íslendingar um gæðingana ekki síður en erlendir ræktendur íslenska hestsins. Er það breyting frá því sem áður tíðkaðist.