Day: 29. apríl, 2009

Auðlindirnar verða ekki frá okkur teknar

Sú saga gengur fjöllum hærra að auðlindir landsins verði frá okkur teknar ef við göngum í ESB. Þessi fullyrðing er algerlega úr lausu loftin gripin og styðst ekki við nokkur rök. (meira…)

Segir ásakanir Árna út í hött

Kjartan Ólafsson, sem var í fimmta sæti á lista Sjálfstæðisflokksins segir flokksfélaga sinn, Árna Johnsen, fara með fleipur þegar hann segir að unnið hafi verið gegn sér úr Árborgarsvæðinu. Árni segir m.a. að frambjóðendur í Árborg hafi unnið að því að fá fólk til að strika sig út af lista í kosningunum og má leiða […]

Lífsgæði við mótun byggðar

Aldís Hafsteinsdóttir, bæjarstjóri Hveragerðisbæjar, er annar tveggja ráðstefnustjóra á ráðstefnu Skipulagsstofnunar um mótun byggðar. Ráðstefnan hefst í VeisluTurninum í Kópavogi í fyrramálið klukkan hálfníu. Á ráðstefnunni er lögð sérstök áhersla á lífsgæði við mótun byggðar. (meira…)

Vonlaust að samherjar skipuleggi útstrikanir

Í Fréttum sem koma út í kvöld er rætt við frambjóðendur úr Eyjum í Alþingiskosningunum um síðustu helgi. Árni Johnsen, sem fékk 17% útstrikanir, segir vonlaust þegar samherjar hans í Sjálfstæðisflokki Suðurkjördæmis séu að skipuleggja útstrikanir sér til höfuðs. Hann vill breyta útstrikunarreglum og segir Sjálfstæðismenn í Árborg hafa unnið óheiðarlega. (meira…)

�?Flestir í fjölskyldunni vöknuðu�?

Aldís Hafsteinsdóttir, bæjarstjóri Hveragerðisbæjar, segist hafa vaknað við jarðskjálftann við Skálafell á Hellisheiði í nótt. „Ég vaknaði við það að hörku kippur kom og var það eins og högg frekar en langur skjálfti, segir Aldís við Suðurlandið.is. “ (meira…)

Veðurstofan býst ekki við fleiri skjálftum

Jarðskjálftinn sem varð laust fyrir klukkan 3 í nótt við Skálafell á Hellisheiði var af stærðinni 3,9 á Richter. Í tilkynningu frá Veðurstofunni segir að skjálftinn sé ekki talinn fyrirboði stærri skjálfta en fylgst verði vel með svæðinu á næstu dögum. (meira…)

Hreinsunarátak í Árborg og Eyjum

Í mörgum bæjarfélögum er það til siðs að efna til árlegs hreinsunarátaks þegar fer að vora. Árlegt hreinsunarátak hefst í Árborg á morgun og stendur fram til 8. maí. Þá daga munu starfsmenn sveitarfélagsins hirða rusl sem hefur verið sett út fyrir lóðarmörk. Sams konar átak stendur yfir í Vestmannaeyjum dagana 4. – 15. maí. […]

Samið um rekstur tjaldsvæða

Samningar hafa verið gerðir við rekstraraðila sem sjá alfarið um tjaldsvæði Rangárþings eystra í sumar. Á vef sveitarfélagsins kemur fram að Eyja Þóra og Jóhann á Moldnúpi verði með tjaldsvæðið á Skógum. Þorgerður Guðmundsdóttir og Ársæll Hauksson Skálakoti verða með tjaldsvæðið á Hamragörðum og tjaldsvæðið á Hvolsvelli verður í umsjá Gistiheimilisins að Garðsauka. (meira…)

Nautshausar í fjörunni á Stokkseyri

Í kvöldfréttum Ríkissjónvarpsins í gær var greint frá því að göngufólk hafi rekist á tvo nautshausa í fjörunni á Stokkseyri. Fólkinu var mjög hverft við að rekast á nautshausa á þessum vinsæla útivistarstað. Siggeir Ingólfsson, yfirverkstjóri hjá umhverfisdeild Árborgar, segir nöturlegt að bændur skuli nota fjöruna til að losa sig við slíkan úrgang. (meira…)

Skjálfti í Skálafelli vakti fólk í nótt

Snarpur jarðskjálfti upp á 3,7 á Richter varð laust fyrir klukkan þrjú í nótt og átti hann upptök í Skálafelli. Hans varð meðal annars vart í Reykjavík og vakti íbúa í Hveragerði, Selfossi og á Eyrarbakka. Margir sunnlendingar hringdu í Neyðarlínu og lögreglu, minnugir stóra Suðurlandsskjálftans. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.