Day: 18. maí, 2009

Margrét Tryggvadóttir er rödd Suðurkjördæmis

Margrét Tryggvadóttir, 10. þingmaður Suðurkjördæmis og eini þingmaður Borgarahreyfingunnar í kjördæminu, er eini þingmaður kjördæmisins sem kemst á mælendaskrá í umræðum um stefnuræðu forsetisráðherra í kvöld. Fyrir utan forsætisráðherra eru fjórtán þingmenn á mælendaskrá og athyglisvert að enginn annar flokkur velur þingmann úr Suðurkjördæmi til að taka þátt í umræðunum. (meira…)

KK, Jón �?lafs og félagar á sunnudagskvöld

Samkvæmt frétt á www.dalurinn.is er dagskrá Þjóðhátíðarinnar óðum að taka á sig mynd. Nú síðast bættust þeir félagar KK og Jón Ólafs, ásamt fleiri góðum við kvölddagskrá sunnudagskvöldsins. Þeir munu taka um hálftíma prógramm eins og þeim er einum lagið eins og sagt er í frétt vefsins. (meira…)

Goslokahátíðin 3. til 5. júlí í sumar

Undirbúningur vegna Goslokahátíðarinnar í sumar er hafinn en hátíðin verður haldin 3. til 5. júlí. Í fréttatilkynningu frá undirbúningshópi hátíðarinnar kemur fram að til standi að bjóða upp á fjölbreytta dagskrá fyrir alla aldurshópa. Dagskráin er þó ekki fullmótuð og er óskað eftir hugmyndum að eða framlögum í dagskránna. Fréttatilkynninguna má lesa hér að neðan. […]

Fyrsta mark Margrétar Láru

Margrét Lára Viðarsdóttir opnaði markareikning sinn fyrir Linköping í dag þegar hún tryggði liðinu sigur á Djurgården, 1-0. Margrét Lára kom af bekknum á 70. mínútu og skoraði sigurmarkið tíu mínútum síðar. (meira…)

Eggjatími úteyjanna hafinn

Nú er sá tími genginn í garð þegar Eyjamenn fara til eggja en fyrst og fremst er sóst eftir fýls- og svartfuglseggjum. Helliseyingar fóru í sína eyju um helgina og var afraksturinn nokkuð góður, stór og falleg fýlsegg. Þeir sögðust hafa komið við í Suðurey í leiðinni til að kanna ástandið þar en sögðu að […]

Byrjað á brimvarnargörðum fyrir Landeyjahöfn

Um helgina var fyrsta hlassinu sturtað í fjöruna í Landeyjunum fyrir fyrirhugaða Landeyjahöfn. Áætlað er að mynd verði komin á garðana þegar veturinn gengur í garð en um er að ræða tvo brimvarnagarða sem munu hvor um sig verða um 600 metra langir. Í verkið þarf á aðra milljón rúmmetra af fyllingarefni en unnið verður […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.