Day: 25. september, 2009

�?órhildur skrifar undir tveggja ára samning

Þórhildur Ólafsdóttir hefur skrifað undir tveggja ára samning hjá ÍBV. Þórhildur var einn lykilmanna ÍBV í sumar en liðið missti naumlega af sæti í úrvalsdeild þegar liðið fékk á sig mark í uppbótartíma í undanúrslitum. Vitað var af áhuga annarra liða á að fá Þórhildi til liðs við sig en sjálf segir hún aldrei annað […]

Baldur siglir eina ferð

Baldur leggur af stað frá Eyjum núna klukkan 10.00 en athygli vekur að ölduhæð við Surtsey er talsvert yfir viðmiðunarmörkum. Miðað er við 3,5 metra ölduhæð en ölduhæðin við Surtsey var 6,7 metrar klukkan 9:00. Áætlað er að skipið sigli frá Þorlákshöfn klukkan 13.30. (meira…)

Herjólfur á leið til Eyja

Herjólfur lagði af stað frá Akureyri um þrjúleytið í nótt eftir viðgerð í flotkvínni á Akureyri. Annar af tveimur veltiuggum var lagaður en ugginn hefur verið bilaður í tæpt ár. Þá var önnur af tveimur aðalvélum tekin upp og löguð en vélin hefur átt það til að bila með reglulegu millibili. Áætlað er að Herjólfur […]

Baldur bíður færis

Farþegaferjan Baldur gat ekki siglt samkvæmt áætlun í dag en skipið átti að halda úr höfn klukkan 8:00. Ölduhæð við Surtsey er nú 6,9 metrar en miðað er við 3,5 metra ölduhæð ef Baldur á að sigla. Ekki er þó búið að slá ferðina af, athuga á klukkan 9:30 en Baldur fer ekki seinni ferðina […]

Eyjastúlkur skoruðu þrjú mörk

Þær Kristín Erna Sigurlásdóttir, leikmaður ÍBV og Berglind Björg Þorvaldsdóttir, sem nú spilar með Breiðabliki, skoruðu þrjú af fimm mörkum íslenska U-19 ára landsliðsins gegn Rúmeníu í gær. Þar með komst íslenska liðið áfram í milliriðil Evrópumótsins. Þriðja Eyjastúlkan, Elísa Viðarsdóttir sem spilar með ÍBV, er einnig í leikmannahópi íslenska liðsins. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.