Day: 20. júní, 2010

Sigri stolið á KR vellinum

Eyjamenn sóttu ekki gull í greipar KR-inga, þegar þeir heimsóttu þá í Frostaskjólið í kvöld. Þeir höfðu þó alla möguleika til þess. Þess í stað skoruðu KR-ingar sigurmarkið á 89. mínútu leiksins. Tíðindamaður eyjafretta sem staddur var á leiknum, segir að Vestmannaeyingarnir hafi verið klaufar að taka ekki öll 3 stigin með sér heim. Til […]

Hefur alið lundapysju í eitt ár

Átján ára Eyjamaður hefur alið lundapysju sem hann fann í fyrra. Pysjan, sem er kölluð Angie, fer í vist á fiskasafni bæjarins þegar fjölskyldan fer í sumarfrí. Andri Þór Gylfason fann lundapysjuna á rúntinum í Vestmannaeyjum á pysjutímanum fyrir tæpu ári. Hann hefur gefið henni nafnið Angie. (meira…)

KFS sigraði Vængi Júpiters 7-1

KFS og Vængir Júpiters léku á Helgafellsvelli í dag. Vængir Júpiters mættu bara 10, en komust í 0:1 með marki Michaels Berndsen eftir 35 mín. Sæþór Jóhannesson jafnaði rétt fyrir hlé og í seinni hálfleik rigndi inn mörkunum, enda Vængirnir sprungnir og voru aðeins 9 síðustu 20 mín. Markmaður þeirra bjargaði þeim frá stærra tapi. […]

Elín Sólborg valin Sumarstúlka Vestmannaeyja 2010

Elín Sólborg Eyjólfsdóttir var í gærkvöldi valin Sumarstúlka Vestmannaeyja árið 2010. Fór keppnin fram í Höllinni og var þetta í 24. skiptið sem þessi keppni fer fram. Þá var Sveinbjörg Ósk Hauksdóttir valin Sportstúlkan, Helga Sigríður Hartmannsdóttir var valin Ljósmyndafyrirsætan, Agnes Guðjónsdóttir var Bjartasta brosið og Sigurbjörg Jóna Vilhjálmsdóttir var valin Vinsælasta stúlkan. (meira…)

Leðurblaka tók sér far með Arnarfellinu

Fjöldi fólks hefur skoðað lifandi leðurblöku á Fiska- og náttúrugripasafni Vestmannaeyja sem skipverjar á flutningaskipi færðu safninu í gær. Heimkynni leðurblökunnar eru í Kanada og norðurhluta Bandaríkjanna. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.