Páll �?skar semur þjóðhátíðarlagið 2011
Páll Óskar Hjálmtýsson mun semja þjóðhátíðarlagið í ár. Þetta var tilkynnt á fjölmennum borgarafundi í Höllinni í kvöld þar sem fjallað var um málefni þjóðhátíðarinnar og framtíðarsýn þjóðhátíðarnefndar. Auk þess var glæsileg dagskrá hátíðarinnar í ár kynnt en fundargestir klöppuðu vel þegar höfundur þjóðhátíðarlagsins var kynntur til leiks. (meira…)
Krefjast þess að lokið verði við Landeyjahöfn
Bæjarstjórn Vestmannaeyja lýsir yfir þungum áhyggjum af stöðu mála í Landeyjahöfn. Lokun hafnarinnar í vetur hefur valdið samfélaginu í Vestmannaeyjum og víðar á suðurlandi gríðarlegum búsifjum. Fjárhagslegt tjón samfélagsins nemur hundruðum milljóna og jafvel milljörðum. Öllum má ljóst vera að jafnvel þótt höfnin opnuð á næstu dögum þá hefur þar með eingöngu verið sett undir […]
Stelpunum spáð fimmta sætið
Kvennaliði ÍBV er, eins og karlaliðinu, spáð fimmta sæti í Pepsídeildinni í árlegri spá forráðamanna liðanna. Samkvæmt spánni mun Valur verða Íslandsmeistari, Þór frá Akrureyri og Stjarnan fengu jafn mörg stig í öðru og þriðja sæti og í því fjórða er Breiðablik. Grindavík og Þrótti er hins vegar spáð falli. Spánna má sjá hér að […]
Eyjamönnum spáð fimmta sæti
ÍBV endar í fimmta sæti ef marka má árlega spá forráðamanna liðanna í Pepsídeild karla. FH-ingar endurheimta Íslandsmeistaratitilinn og ótrúlegt en satt, þá er nýliðum deildarinnar, Þór og Víkingi spáð falli. KR er spáð öðru sæti og Íslandsmeistarar Breiðablik enda í þriðja sæti samkvæmt spánni, sem má sjá í heild sinni hér að neðan. (meira…)
Vestmannaeyjar með 9,9 prósent af heildarverðmæti landaðs fiskafla
9,9 prósent af heildaraflaverðmæti sjávarafla var landað i Vestmannaeyjum á árinu 2010. Eru Eyjar í öðru sæti hvað landaðs sjávarafla, mestu er landað í Reykjavík eða 16,7 prósent. – Er verðmæti sjávaraflans í Eyjum að verðmæti 13,7 milljarðar króna. Þetta kemur fram í Fiskifréttum sem út komu í dag. (meira…)
Herjólfi seinkar í dag
Seinni ferð Herjólfs í dag, fimmtudaginn 28. apríl mun seinka vegna veðurs um tvær klukkustundir. Herjólfur mun því leggja af stað frá Eyjum klukkan 17:00 og frá Þorlákshöfn klukkan 21:00. Meðalvindhraði á Stórhöfða klukkan 12:00 var 35 metrar á sekúndu. (meira…)
Vignir með ÍBV næsta vetur
Hornamaðurinn sterki, Vignis Stefánsson hefur gert nýjan tveggja ára samning við ÍBV. Þetta kemur fram á heimasíðu ÍBV en Vignir þótti spila mjög vel í vetur enda varð hann markahæsti leikmaður 1. deildar. Vignir er 21 árs og hefur ávallt leikið með ÍBV en auk þess lék hann með U-21 árs landsliðinu í vetur. (meira…)
Undirbúningur Goslokahátíðar hafinn
Nú er undirbúningur Goslokahátíðar 2011 hafinn en sérstök undirbúningsnefnd vinnur að dagskrá hátíðarinnar. Í fréttatilkynningu frá nefndinni kemur fram að hápunktur hátíðarinnar í ár verður sýning á listaverkum Sigmundar, stórtónleikar með tónlist Oddgeirs Kristjánssonar og að sjálfsögðu gleðin í Skvísusundi. Sem fyrr eru allar ábendingar um innlegg í dagskrána vel þeganar. (meira…)
Opinn borgarafundur um þjóðhátíð í kvöld í Höllinni
kvöld, fimmtudag, klukkan 20:00 heldur þjóðhátíðarnefnd opinn borgarafund í Höllinni um hátíðina. Í auglýsingu um fundinn segir að nefndin telji brýnt að koma sínum sjónarmiðum á framfæri um framtíð og framkvæmd þjóðhátíðar en auk þess verði dagskrá hátíðarinnar í ár kynnt. Í lok fundar verða svo leyfðar fyrirspurnir úr sal þar sem bæjarbúar geta komið […]
Aukaflug á föstudaginn
Flugfélagið Ernir hefur bætt við aukaferðum til Eyja á föstudaginn en alls eru ferðirnar orðnar fjórar og ekki útilokað að enn verði bætt við. Í tilkynningu frá félaginu kemur fram að lausum sætum fari ört fækkandi og er fólk hvatt til að bóka sem fyrst á heimasíðu félagsins, www.ernir.is. (meira…)