Day: 12. september, 2011

Framkvæmdir við Herjólf ganga vel

Herjólfsmenn sendu Eyjafréttum myndir og fréttir af gangi mála en farþegaferjan Herjólfur er nú í slipp í Óðinsvéum í Danmörku. Áætlað er að skipið hefji aftur siglingar milli lands og Eyja í lok september en á meðan mun Breiðafjarðarferjan Baldur sinna siglingum milli lands og Eyja. Myndir og fréttir af framkvæmdunum í Danmörku má sjá […]

Rólegt fyrir utan tvö fíkniefnamál

Tvö fíkniefnamál komu upp í vikunni sem leið hjá lögreglunni í Vestmannaeyjum en að kvöldi 8. september sl. voru tveir aðilar um tvítugt, sem voru að koma til Eyja með Baldri stöðvaðir af lögreglu eftir að fíkniefnaleitarhundurinn Luna gaf til kynna að þeir væru með fíkniefni meðferðis. Annar þessara aðila reyndist vera með um 17 […]

�?rjár í úrvalsliði 10. til 18. umferðar

Í hádeginu var tilkynnt um úrvalslið 10. til 18 umferðar í Pepsídeild kvenna. Þrír leikmenn ÍBV eru í liðinu, þær Berglind Björg Haraldsdóttir, markvörður, Elísa Viðarsdóttir, varnarmaður og sóknarmaðurinn Berglind Björg Þorvaldsdóttir. Þá er Eyjastelpan Fanndís Friðriksdóttir einnig í liðinu en hún hefur undanfarin ár leikið með Breiðabliki. Liðið má sjá hér að neðan. (meira…)

Mikill áhugi á fastalandinu fyrir leik ÍBV og KR

Mikill áhugi virðist vera fyrir leik ÍBV og KR næsta sunnudag. ms. Baldur er fullur báðar ferðirnar fyrir leikinn, en hann tekur 190 farþega í ferð, auk þess sem einhverjir koma með flugi. Margir sem ætluðu sér til Eyja á leikinn eiga þess þvi ekki kost, nema Baldur verði látinn sigla aukaferð á sunnudaginn. Er […]

Vestmannaey VE fiskaði fyrir 830 milljónir króna í fyrra

Tuttugu og tveir bátar fiskuðu fyrir meira en hálfan miljarð króna hver á árinu 2010 samanborið við þrettán báta árið 2009 og sex báta árið 2008. Þrír efstu bátarnir voru allir á togveiðum, að því er fram kemur í nýjustu Fiskifréttum. (meira…)

Lundasumarið 2011 – seinni hluti

Ótrúlega margt búið að gerast undanfarnar vikur í lundamálum Eyjamanna, en ég er búinn að bíða með að skrifa þessa seinni grein í von um að hér sæjust einhverjar pysjur. Því miður virðist sú von ætla að bregðast, en er samt í samræmi við spá mína frá því í vor. (meira…)

Eitt ótrúlegasta högg sögunnar í Vestmannaeyjum í gær

Það virðast engin takmörk fyrir því sem getur komið fyrir á golfvellinum. Í gær voru nokkrir kylfingar úr Stykkishólmi að spila á vellinum. Sigtryggur var að pútta á 8. flöt, sem er par 4 og um 240 metrar af gulum teigum, þegar hann fékk golfbolta í sig af miklu afli. Félagi hans úr Stykkishólmi, Pétur […]

Mín bestu ár sem þjálfari átti ég hjá ÍBV

Magnús Gylfason, sem mun taka við þjálfun ÍBV eftir tímabilið sagðist í samtali við Eyjafréttir í gærkvöldi vera spenntur fyrir nýju verkefni. „Ég var svo sem ekkert á leiðinni í að fara þjálfa í úrvalsdeild. Ég er í mjög góðu starfi hérna hjá Haukum, vinn í fimm mínútna fjarlægð frá Ásvöllum og leið mjög vel […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.