Day: 17. mars, 2012

Naumur sigur norðan heiða

ÍBV vann nauman sigur á KA/Þór í dag en lokatölur urðu 22:24 eftir að staðan í hálfleik hafði verið 12:14. Ivana Mladeonvic fagnaði því að snúa aftur í lið ÍBV eftir leikbann, með því að skora níu mörk en hún var markahæst í ÍBV í dag. Þá varði Florentina Stanciu 23 skot, þar af eitt […]

Loksins sigur hjá ÍBV

Eyjamenn lögðu Víkinga að velli í dag í Víkinni 22:23 en staðan í hálfleik var 10:13. Eyjamenn þurftu nauðsynlega á sigri að halda gegn Víkingum, sem eru í öðru sæti en Selfyssingar, sem berjast við ÍBV um fjórða sætið í deildinni, lögðu efsta lið 1. deildar, ÍR að velli á Selfossi í gær. Fyrir vikið […]

Fleiri ferðir til Landeyja með Baldur sem varaskip

Hugsanlegt er að hægt verði að auka notkun Landeyjahafnar við ferjusiglingar til Vestmannaeyja með því að hafa Breiðafjarðarferjuna Baldur í siglingum þegar höfnin er ófær fyrir Herjólf. Þrjú skipafélög, að minnsta kosti, hafa kynnt hugmyndir sínar og kannað aðstöðu í Vestmannaeyjum vegna útboðs á rekstri Herjólfs. Auk stóru skipafélaganna, Eimskips og Samskips, hafa Sæferðir verið […]

�?gisdagurinn í dag

Í dag, laugardag klukkan 13:00 hefst Fyrirtækjamót Íþróttafélagsins Ægis í Íþróttamiðstöðinni. Alls hafa 27 lið skráð sig til leiks en tveir eru í hverju liði og þátttakendur því 54 talsins. Spilað verður boccia þar til eitt lið stendur uppi sem sigurvegari en þess má geta að sérstök skammarverðlaun verða fyrir stigalægsta liðið. (meira…)

Börðumst saman eins og við gátum

„Það var ekki til í honum sú hugsun að gefast upp. Við börðumst saman eins og við gátum við þennan sjúkdóm. Líf okkar snerist um þetta og við vonuðumst eftir að sigra,“ segir Guðbjörg Erla Ragnarsdóttir, en eiginmaður hennar, Jón Björn Marteinsson, sem kallaður var Jónbi, lést úr krabbameini 14. mars. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.