Day: 24. júlí, 2012

ÍBV svo gott sem úr leik í baráttunni um titilinn

Þótt að sólin hafi skinið skært, þá sáu leikmenn ÍBV aldrei til sólar í kvöld þegar Eyjastelpur tóku á móti FH á Hásteinsvelli. ÍBV liðið lék sinn langlélegasta leik í sumar og niðurstaðan var sanngjarn þriggja marka sigur FH, 0:3. FH vann þar með báða leikina gegn ÍBV en þetta er jafnframt annað tap ÍBV […]

Bolir gegn kynferðisofbeldi

Verkefni Forvarnahóps ÍBV gengur vonum framar. Hópurinn fékk Evu Hrönn Guðnadóttur hjá Kríu hönnunarstofu til að hanna merki átaksins. Bolir verkefnisins voru frumsýndir á Facebook-síðu hópsins í gær og hafa viðtökur verið frábærar. Bolirnir eru væntanlegir til Eyja í lok vikunnar ásamt öðru sem hópurinn hefur látið sérútbúa fyrir verkefnið og verður áberandi inní Dal. […]

Góð meðmæli með ferð Rib-safari

Á vefnum Pjattrófur.is er grein eftir Sigrúni Þöll, greinarhöfund á vefnum, þar sem hún lýsir dagsferð sinni til Vestmannaeyja. Ferðin fær mjög góða dóma, sérstaklega ferð með Rib-safari sem hún fór í. „Ég get með sanni sagt að ég mæli algjörlega með þessari upplifun þar sem andrenalínið fer í botn, maður nýtur náttúrunnar og ef […]

Vilja halda Baldock lengur

Enski miðjumaðurinn George Baldock hefur heldur betur staðið fyrir sínu í liði ÍBV í sumar. Baldock, sem er aðeins 19 ára gamall, var lánaður frá enska C-deildarliðinu MK Dons en Baldock hefur alls leikið 11 leiki fyrir ÍBV í sumar og skorað eitt mark. 9. ágúst næstkomandi rennur hins vegar lánssamningurinn út en Eyjamenn binda […]

Húsið Fell fær nýtt útlit

Húsið Fell við Vestmannabraut 34 er að ganga í endurnýjun lífdaga. Húsið er byggt árið 1907 og því eitt af elstu húsum Eyjanna. Eigendur þess, hjónin Aðalbjörg Skarphéðinsdóttir og Magnús Eggertsson höfðu hug á að endurbyggja húsið og stækka. En þar sem það er meira en 100 ára lýtur það reglum húsafriðunar, – má ekki […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.