Day: 24. nóvember, 2012

Ingibjörg Birta og Valbjörg Rúna unnu aðalverðlaunin

Í dag fór fram keppni í Stíl 2012 en Stíll er fatahönnunar-, hárgreiðslu- og förðunarkeppni. Keppendur sýna fram á hæfni sína í öllum þessum þáttum og skila jafnframt inn möppu með hönnunarferlinu. Fulltrúar Féló í Eyjum voru þær Ingibjörg Birta Jónsdóttir og Valbjörg Rúna Björgvinsdóttir. Þær gerðu sér lítið fyrir og unnu aðalverðlaunin. (meira…)

Mikið flug framundan milli lands og Eyja

Í ljósi þeirra frétta að Herjólfur mun sigla í Þorlákshöfn á morgun sunnudag og fara í slipp á mánudag mun Flugfélagið Ernir auka flug til Eyja til að anna þeirri eftirspurn sem myndast hefur nú þegar. Sett hefur verið upp aukaflug á morgun, sunnudag, og hefur Flugfélagið Ernir í hyggju að setja upp enn fleiri […]

Nýr leikmaður til ÍBV

Ragnar Pétursson skrifaði í dag undir eins árs samning við knattspyrnulið ÍBV. Ragnar er uppalinn hjá Hetti á Egilsstöðum en hann hefur skorað 45 leiki og skorað 2 mörk fyrir Hött. Ragnar, sem hefur verið fastamaður í liði Hattar síðustu tvö ár, er aðeins 18 ára og þykir einn af efnilegustu miðjumönnum landsins í sínum […]

Gott stig á erfiðum útivelli

Karlalið ÍBV sótti í dag topplið 1. deildarinnar, Stjörnuna, heim í Garðabæinn. Fyrir leikinn munaði aðeins einu stigi á liðunum en Stjarnan var í efsta sæti með 13 stig, eins og Víkingur en ÍBV var í þriðja sæti með 12. Eyjamenn voru með undirtökin í fyrri hálfleik en síðari hálfleikur var í járnum. Lokatölur urðu […]

Straumum utan Landeyjahafnar um að kenna

Við lentum í straum þarna fyrir utan höfnina. Hann bar skipið af leið og önnur skrúfan tekur niður í vestari hafnargarðinum og laskast við það,“ segir Gunnlaugur Grettisson rekstarstjóri Herjólfs um óhapp sem átti sér stað við Landeyjarhöfn. Að sögn Gunnlaugs lenti skrúfa skipsins annað hvort í kanti grjótgarðsins eða slóst í staur sem þar […]

Setur upp aukaflug á morgun:

Flugfélagið Ernir hefur sett upp aukaflug milli Reykjavíkur og Vestmannaeyja á morgun, sunnudag. Farið verður frá Reykjavík 13:30 og frá Eyjum 14:15. Herjólfur siglir til Þorlákshafnar á morgun, því er líklegt að fleiri nýti sér flugleiðina. (meira…)

Jórunn Einarsdóttir í 5. sæti

Á fundi kjördæmisráðs Vinstri grænna í Suðurkjördæmi í dag var samþykktur framboðslisti til Alþingiskosninganna 27. apríl nk. Listinn var samþykktur samhljóða. Listinn er þannig skipaður: 1. sæti Arndís Soffía Sigurðardóttir, Lögfr.og varaþingm., Fljótshlíð 2. sæti Inga Sigrún Atladóttir, Guðfræðingur og bæjarfulltrúi, Vogum 3. sæti Þórbergur Torfason, Fiskeldisfræðingur, Höfn 4. sæti Einar Bergmundur Arnbjörnsson, Tækniþróunarstjóri, Ölfusi […]

Skemmdir á annarri skrúfu Herjólfs eftir óhappið í Landeyjahöfn í dag

Vegna óhappsins, sem varð í innsiglingu til Landeyjahafnar í hádeginu mun Herjólfur sigla til Þorlákshafnar í dag kl. 16:00 og aftur þaðan 20:30 (mæting kl. 20:00) Gert er ráð fyrir siglingum til Þorlákshafnar á morgun sunnudag en eftir það fer Herjólfur í viðgerð þar sem skemmdin á annarri skrúfunni verður löguð. (meira…)

Herjólfur í vandræðum í Landeyjahöfn

Farþegar Herjólfs hafa undanfarið haft samband við ritstjórn Eyjafrétta en þeir telja að Herjólfur hafi farið utan í annan af tveimur hafnargörðum Landeyjahafnar. Gunnlaugur Grettisson, rekstrarstjóri Herjólfs í Vestmannaeyjum staðfesti að eitthvert óhapp hefði orðið í Landeyjahöfn en skipið er nú á leið til Eyja samkvæmt áætlun. (meira…)

�?skar í Höfðanum fagnaði sjötíu og fimm ára afmæli sínu

Óskar Jakob Sigurðsson, veðurathugunarmaður á Stórhöfða, varð 75 ára 19. nóvember s.l.. Óskar hélt upp á afmælið sitt í sal Veðurstofunnar sunnudaginn 18. nóvember og afþakkaði allar gjafir en útbjó þess í stað bauk þar sem vinir og vandamenn gátu gefið frjáls framlög til styrktar starfsemi Krabbameinsfélags Íslands. Hann færði félaginu svo baukinn á afmælisdegi […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.