Day: 9. janúar, 2013

Líf og fjör á �?rettándanum í Eyjum

Það hefur vafalaust ekki farið framhjá neinum í Eyjum að Þrettándinn var haldinn hátíðlegur síðastliðinn föstudag. Reyndar er um að ræða fjögurra daga bæjarhátíð með sýningum, tónleikum, barnaskemmtunum og fleiru. Það er þó Þrettándagleði ÍBV sem er hápunktur helgarinnar og helsta aðdráttarafl. (meira…)

Vald, traust og opinber umræða

Í umræðu um útboð á sjúkraflugi frá Vestmannaeyjum endurspeglast margir þættir sem einkenna pólitíska umræðu og byggðapólitík á Íslandi. Þingmaður ber loforð upp á ráðherra sem ráðherrann kannast ekki við og ber einnig að ráðherra hafi sérstaklega hannað útboðið fyrir ákveðið fyrirtæki. Í ásökunum má lesa að hagsmunir Vestmanneyja, öryggi sjúkraflugs og hagsmunir sjúkraflutninga á […]

9 verkefni sem umbylta atvinnumálum í landinu

Mönnum er tamt að tala um tækifærin sem bjóðist á Suðurnesjum og Suðurlandi. Þau tækifæri væru ekki til ef ekki væru til eldhugar sem hafa sýnt fram á þau, fylgja hugmyndum sínum eftir og gefast ekki upp þótt víða sé reynt að slökkva eldmóðinn. (meira…)

Aðventistar biðjast afsökunar

„Þegar litið er yfir feril Karls Vignis Þorsteinssonar eins og honum er lýst í Kastljósi er samkennd með þolendum afbrota hans okkur í kirkju aðventista efst í huga. Það er augljóst að kirkjan og íslenskt samfélag í heild hafa brugðist þessum einstaklingum og fjölskyldum þeirra og viljum við fyrir hönd kirkjunnar biðjast innilegrar fyrirgefningar,“ segir […]

Unnu nauman sigur á Gróttu

Kvennalið ÍBV lagði Gróttu að velli með þremur mörkum í gærkvöldi þegar liðin áttust við á Seltjarnanesi. Lokatölur urðu 17:20 eftir að staðan í hálfleik hafði verið 8:12. ÍBV er því sem fyrr í þriðja sæti deildarinnar, þremur stigum á eftir toppliðunum tveimur, Fram og Val sem bæði eiga leik til góða. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.