Day: 6. júlí, 2013

Sögur af Vestmannabraut endurteknar klukkan 16:00

Í hádeginu sögðu þeir Ásmundur Friðriksson, Ragnar Jónsson frá Látrum og Þór Í. Vilhjálmsson frá Burstafelli sögur af æskuslóðum sínum, Vestmannabraut en viðburðurinn fór fram í Baldurskró í Skvísusundi. Fullt var út úr dyrum og komust færri að en vildu og því hefur verið ákveðið að endurtaka viðburðinn klukkan 16 í dag, laugardag (meira…)

Toppslagur í 4. deildinni

Í dag klukkan 15:00 verður toppslagur í A-riðli 4. deildar karla þegar KFS tekur á móti KFG. Hið síðarnefnda lið er á toppi riðilsins með 19 stig eftir sjö leiki en liðið hefur ekki tapað leik, gert eitt jafntefli en unnið sex leiki. Eyjamennirnir í KFS eru hins vegar í öðru sæti með 14 stig, […]

�?urftu að handlanga skjólur neðan frá sjó eða frá brunnum að brunastað

Hafi ein stétt öðrum fremur borið hitann og þungann af björgunar- og hjálparstarfi í gosinu 1973 voru það mennirnir í Slökkviliði Vestmannaeyja. Slökkviliðið stóð þá á sextugu en nú þegar þess er minnst að 40 ár eru frá því gosi lauk styttist í hundrað ára afmæli Slökkviliðsins. Þess verður minnst með myndarlegum hætti goslokahelgina. Margt […]

Húsin og fólkið við Kirkjubæjarbraut í máli og myndum

Kl. 11.00 í dag, laugardag verður myndasýning af íbúum og hús­um Kirkjubæjarbrautar fyrir gos í umsjá Ingu Dóru Þorsteins­dóttur og Gylfa Sigfússonar sem bæði bjuggu að Kirkjubæjarbraut 11, Goðasteini. Þau hafa lagt mikla vinnu í öflun heimilda og söfnun mynda þar sem saga hvers húss er rakin í máli og myndum. (meira…)

Tár, bros og tær snilld

Ríflega 1500 manns fylltu stóra sal íþróttamiðstöðvarinnar í kvöld þegar Lúðrasveit Vestmannaeyja og Fjallabræður sameinuðust í tónleikahaldi. Þetta er ekki í fyrsta og vonandi ekki í síðasta sinn sem þessar sveitir tónlistarfólks halda sameiginlega tónleika en þótt ólíkar séu, þá passa sveitirnar saman eins og flís við rass. Tónleikarnir í kvöld voru með þeim betri […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.