Day: 18. október, 2013

Skrifar Sigurður undir á morgun?

Sigurður Ragnar Eyjólfsson verður á morgun ráðinn þjálfari ÍBV í meistaraflokki karla samkvæmt heimildum 433.is. Sigurður hefur tekið boði Eyjamanna og mun skrifa undir á morgun. Hann tekur við af Hermanni Hreiðarssyni sem lét af störfum um síðustu helgi. Hermann hafði aðeins stýrt ÍBV í eitt ár en vegna persónulegra ástæðna lét hann af störfum. […]

Grunur um íkveikju í Eyjum

Lögreglan í Vestmannaeyjum auglýsir eftir vitnum að eldsvoða er varð að Miðstræti 30, Vestmannaeyjum, að morgni miðvikudagsins 16. október. Grunur leikur á að um íkveikju hafi verið að ræða. Eru þeir sem einhverjar upplýsingar geta gefið um mannaferðir þarna við, milli kl. 07:00 og 08:00 þennan morgun beðnir að hafa samband við lögreglu á lögreglustöð […]

Beiðni Stillu útgerðar um rannsókn vísað frá

Atvinnuvega- og nýsköpunarráðherra hafnar tilmælum Stillu útgerðar ehf. um að tilnefna rannsóknarmenn til að rann­saka hvernig staðið var að sölu hlutabréfa í Vinnslu­stöðinni hf. á árinu 2010. Stilla útgerð, sem fer með ríflega 31% eignarhlut í VSV, fór fram á að ráðherra skipaði rannsóknarmenn í samræmi við ákvæði hlutafélaga­laga þar að lútandi. Ráðherra hefur nú […]

Grétar �?ór sækir um þjálfarastöðu ÍBV í fótbolta

Grétar �?ór Eyþórsson, handknattleiksmaður og íþróttakennari, sækist eftir að verða næsti þjálfari meistaraflokks karla í knattspyrnu. Grétar gerir umsókn sína opinbera hér að neðan en þar segist hann vera metnaðarfullur Eyjamaður sem vilji leggja sitt af mörkum við uppbyggingu á sterku knattspyrnuliði í Vestmannaeyjum. �??�?að er fullt af frambærilegum knattspyrnumönnum í liðinu og mun ég […]

Dinner fyrir einn

Flest er hægt að finna á Youtube, fróðleik, íþróttir, gaman og alvöru eða nánast allt milli himins og jarðar. Hér eitt bráðsmellið myndband af breskri sérlundaðri hefðarfrú og þjóninum hennar, – borðhaldinu og siðum frúarinnar og aumingjans þjóninum sem öllu hlýðir. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.