- Eyjafréttir
- ·
- Fréttir
- ·
Amoníaksleki um borð í Herjólfi - Engin slys en rýma varð skipið
�?að óhapp varð rétt eftir klukkan fjögur að leki kom að amoíakstank sem verið var að taka um borð í Herjólf þar sem skipið lá við bryggju í Vestmannaeyjum. Gerðist þetta rétt í þann mund að hleypa átti bílum um borð sem var lán í óláni. Skipið var þegar rýmt og slökkvilið og sjúkralið kallað á staðinn. Menn í reykköfunarbúnaði fóru um skipið og var enginn kominn í klefa og gekk greiðlega að koma fólki um land.
Amoníaklykt var um allt skip og var það opnað í báða enda á bíladekki sem hjálpaði til við að hreinsa út eiturgufurnar. Ástæða óhappsins er að stútur á amoníakstank, sem átti að vera tómur, rakst upp undir og brotnaði og kom þá í ljós að tankurinn var ekki alveg tómur. �?etta tefur seinni ferð Herjólfs í �?orlákshöfn en gert er ráð fyrir að hann sigli þegar slökkvilið og lögregla gefa grænt ljós.
