Vikan í Eyjum: Hundrað ára afmæli, salernin á Vigtartorgi og stig gegn toppliðinu
Jónína Einarsdóttir fagnaði hundrað ára afmæli á Hraunbúðum, Eyjafréttir rýndu í kostnað við salernin á Vigtartorgi og bæjaryfirvöld höfnuðu samantekt úr opnu bókhaldi. Á laugardag var líf og fjör á markaðnum í Höllinni og Eyjakonur náðu jafntefli gegn toppliði Hauka. Jónína á tíu varð hundrað ára Jónína Einarsdóttir fagnaði hundrað ára afmæli sínu á Hraunbúðum […]
Fæst nóg stórgrýti í brimvarnargarðinn við Eiðið?
Það gæti reynst erfitt að finna nægilega mikið af stóru grjóti á Heimaey í brimvarnargarð við Eiðið. Þetta kemur fram í nýrri jarðfræðiskýrslu Völubergs um rannsóknargröft á Haugasvæðinu. Gróflega er áætlað að um 1,8 milljónir rúmmetra af möl og grjóti þurfi í þá útfærslu stórskipahafnar sem Vestmannaeyjabær hefur til skoðunar. Útfærslan felur í sér brimvarnargarð, […]
Rúmlega 40 milljóna salernisframkvæmd hélt áfram án byggingarleyfis
Framkvæmdir við salernisaðstöðu á Vigtartorgi kostuðu 40,4 milljónir króna. Verkinu var haldið áfram án þess að sótt væri um byggingarleyfi eftir að umfang þess jókst. Eyjafréttir sendu fyrirspurn um málið til bæjaryfirvalda þann 20. október. Í kjölfarið samþykkti byggingarfulltrúi byggingaráformin með fyrirvara á afgreiðslufundi 5. nóvember. Salernin voru opin almenningi í sumar. Blaðamaður Eyjafrétta kom […]
Handverk og mannlíf í Höllinni
Gestir röltu á milli söluborða á handverks- og vörumarkaðnum í Höllinni í dag. Þar mátti meðal annars sjá lopapeysur, jólaskraut og ýmiss konar gjafavöru. Óskar Pétur Friðriksson og Halldór B. Halldórsson tóku ljósmyndir á markaðnum. Halldór tók einnig myndband sem má sjá hér að neðan. Markaðurinn verður aftur opinn á morgun, sunnudaginn 15. nóvember frá […]
Miðflokkurinn lagði til tveggja vikna sumarlokun leikskólanna
Miðflokkurinn lagði til á fundi fræðsluráðs Vestmannaeyja að leikskólarnir lokuðu alveg í tvær vikur á sumrin og störfuðu með skertri starfsemi í tvær vikur fyrir lokunina og tvær vikur eftir hana. Foreldrar gætu þá valið hvort börn þeirra tækju fjögurra vikna samfellt sumarfrí fyrr eða síðar á sumrinu. Jón Þór Guðjónsson bæjarfulltrúi vakti athygli Eyjafrétta […]
Fórnarlamba umferðarslysa minnst í Eyjum á morgun
Messa til minningar um fórnarlömb umferðarslysa verður í Landakirkju klukkan 13 á sunnudag, 15. nóvember. Þar segir Þóranna Sigurbergsdóttir frá reynslu sinni af því að missa son sinn í bílslysi. Um kvöldið verður kertastund við kirkjugarðinn klukkan 20. Fram kemur í tilkynningu frá Landakirkju að viðbragðsaðilar í Eyjum taki þátt í messunni. Kirkjugestum gefst kostur […]
Eyjakonur geta jafnað Hauka á toppnum
Kvennalið ÍBV í handknattleik sækir topplið Hauka heim í dag, laugardaginn 14. nóvember, í níundu umferð Olísdeildarinnar. Leikurinn hefst klukkan 13:00 í Kuehne+Nagel-höllinni í Hafnarfirði. Aðeins tvö stig skilja liðin að og geta Eyjakonur jafnað Hauka að stigum með sigri. Haukar hafa farið afar vel af stað í vetur og unnið alla átta deildarleiki sína. […]
Hundrað ára afmæli Jónínu í myndum
Jónína Einarsdóttir, elsti íbúi Vestmannaeyja, fagnaði hundrað ára afmæli sínu á Hraunbúðum í dag. Óskar Pétur Friðriksson, ljósmyndari Eyjafrétta, leit við í afmælinu og tók myndir. Meðal þeirra sem komu til að óska Jónínu til hamingju voru Íris Róbertsdóttir, bæjarstjóri Vestmannaeyja, og Lilja Björg Arngrímsdóttir, rekstrarstjóri Vinnslustöðvarinnar. Jónína starfaði um árabil í Fiskiðjunni og síðar […]
Sumarlokanir leikskólanna í Eyjum liggja fyrir
Fræðsluráð Vestmannaeyja hefur samþykkt dagsetningar sumarlokunar leikskólanna næstu tvö sumur. Ráðið ætlar jafnframt að kanna hvort auka megi sveigjanleika í fyrirkomulaginu árið 2028. 2027: Lokað 8. júlí til og með 10. ágúst. Leikskólarnir opna aftur kl. 10 miðvikudaginn 11. ágúst. 2028: Lokað 12. júlí til og með 14. ágúst. Leikskólarnir opna aftur kl. 10 þriðjudaginn […]
Fyrsti kjarasamningur sjómanna á smábátum frá 2012
Nýr kjarasamningur fyrir sjómenn á smábátum var undirritaður í morgun. Samkvæmt honum greiða útgerðir 3,5 prósenta framlag í tilgreinda séreign sjómanna. Þetta er fyrsti kjarasamningurinn fyrir smábáta frá árinu 2012. Sjómannasamband Íslands undirritaði samninginn við Landssamband smábátaeigenda og Samtök smærri útgerða. Fram kemur í tilkynningu Sjómannasambandsins að samningurinn sé í anda kjarasamningsins sem sjómenn gerðu […]
Líkn færir sjúkradeild HSU í Eyjum tvö ný tæki
Kvenfélagið Líkn hefur gefið sjúkradeild Heilbrigðisstofnunar Suðurlands í Vestmannaeyjum eyrnaskoðunartæki og sprautudælu. Dælan nýtist við nákvæma lyfjagjöf, meðal annars þegar krabbameinslyf eru gefin. Í tilkynningu frá HSU kemur fram að eyrnaskoðunartækið auðveldi starfsfólki að skoða eyru og greina eyrnavandamál. Að sögn starfsfólks sjúkradeildarinnar eykur sprautudælan öryggi við nákvæma lyfjagjöf, meðal annars þegar krabbameinslyf eru gefin. […]
Vont veður hrakti Eyjarnar af Gerpisflakinu
Vestmannaey VE og Bergey VE lönduðu samtals 186 tonnum í Neskaupstað í tveimur löndunum hvor í vikunni. Þorskur var uppistaðan í aflanum. Í síðari veiðiferðinni hröktu vont veður og mikill sjór bæði skip af Gerpisflakinu að Hvalbak. Í frétt á vef Síldarvinnslunnar kemur fram að Eyjatogararnir hafi landað 40 tonnum hvor á sunnudag og að […]
Jónína Einarsdóttir 100 ára
Jónína Einarsdóttir, kennd við Götu og síðar Nýborg í Vestmannaeyjum, er 100 ára í dag, föstudaginn 13. nóvember. Hún bjó í Nýborg í 46 ár og starfaði um árabil í Fiskiðjunni, þar sem hún var kölluð Jónína á tíu. Í fjölskyldunni eru pönnukökurnar hennar í minnum hafðar. Jónína býr nú á Hraunbúðum. Jónína fæddist 13. […]
Bæjaryfirvöld hafna samantekt úr opnu bókhaldi – án leiðréttingar
Forsvarsmenn Vestmannaeyjabæjar hafna því að samantekt Eyjafrétta á greiðslum til lögfræðiþjónustuveitenda sé rétt. Þeir leggja þó hvorki fram leiðréttar tölur né benda á hvaða færslur eigi ekki heima í samantektinni. Gögnin sem unnið var úr koma úr opnu bókhaldi sveitarfélagsins. Samantekt Eyjafrétta byggist á upplýsingum úr opnu bókhaldi Vestmannaeyjabæjar. Þar voru teknar saman bókaðar færslur […]
SFS vilja lækka kolefnisgjald sem hefur meira en tvöfaldast frá 2024
Kolefnisgjald á gas- og dísilolíu hefur hækkað úr 13,45 krónum á lítra árið 2024 í 28,30 krónur á þessu ári. Samtök fyrirtækja í sjávarútvegi (SFS) vilja að gjaldið á eldsneyti fiskiskipa verði afnumið eða lækkað verulega á meðan raunhæfir kostir til orkuskipta eru ekki fyrir hendi. Í greiningu sem SFS birtu í morgun kemur fram […]
Nóvemberblað Eyjafrétta komið út
Nóvemberblað Eyjafrétta er komið út. Á forsíðunni eru norski læknirinn Mads Aanesen og fjölskylda hans með pysju í fyrstu heimsókn sinni til Vestmannaeyja. Í viðtali við Anniku Vignisdóttur segir Mads frá því hvernig leið fjölskyldunnar lá óvænt til Eyja og hvernig þau hafa fundið sig í samfélaginu. Hann hefur tekið til starfa hjá Heilbrigðisstofnun Suðurlands. […]
Eyjamenn geta farið upp fyrir Aftureldingu með sigri
Karlalið ÍBV í handknattleik sækir Aftureldingu heim í Mosfellsbæ í dag, fimmtudaginn 12. nóvember, í tíundu umferð Olísdeildarinnar. Flautað verður til leiks klukkan 18:00 í Myntkaup-höllinni. Aðeins eitt stig skilur liðin að í deildinni og geta Eyjamenn farið upp fyrir Mosfellinga með sigri. ÍBV er í sjötta sæti Olísdeildarinnar með tíu stig eftir níu leiki, […]
Lions býður upp á fría blóðsykursmælingu
Lionsklúbbur Vestmannaeyja og Apótekarinn bjóða upp á ókeypis blóðsykursmælingu á morgun, fimmtudaginn 12. nóvember frá kl. 13:00 til 16:00. Mælingin fer fram í Apótekaranum að Vesturvegi 5 í Vestmannaeyjum. Mælingin tekur um hálfa mínútu og þátttakendur fá niðurstöðuna strax. Þeim sem mælast með hátt blóðsykursgildi verður vísað til heilsugæslunnar til frekari athugunar. Í tilkynningu Lionsklúbbs […]
ÍBV tekur við dósamóttökunni í febrúar
ÍBV tekur við móttöku á dósum og flöskum í Vestmannaeyjum af Heimaey, vinnu- og hæfingarstöð, í febrúar 2027. Þetta kemur fram í tilkynningu Endurvinnslunnar á samfélagsmiðlum. Endurvinnslan fagnar samstarfinu við ÍBV og þakkar starfsfólki Heimaeyjar fyrir samstarfið og þá þjónustu sem stöðin hefur veitt við móttökuna í gegnum árin. Nánari upplýsingar um nýtt fyrirkomulag verða […]
Þrjú íþróttafélög í Eyjum fá rúma milljón úr Hvatasjóði
Fimleikafélagið Rán, Skotfélag Vestmannaeyja og Sundfélag ÍBV fengu samtals 1.050.000 krónur úr Hvatasjóði íþróttahreyfingarinnar. Rúmur helmingur fjárins sem kom í hlut Suðurlands í nóvemberúthlutun sjóðsins fór til verkefna í Vestmannaeyjum. Fimleikafélagið Rán fékk 400.000 krónur fyrir verkefnið Fimleikar til framtíðar. Skotfélag Vestmannaeyja fékk sömu upphæð fyrir kynningarnámskeið í skotfimi fyrir börn og ungmenni. Sundfélag ÍBV […]