ÍBV lagði Fylki að velli í dag í Olísdeild kvenna en liðin áttust við í Vestmannaeyjum. Lokatölur urðu 35:28 en Eyjaliðið var lengi vel í talsverður basli með frískt Fylkislið, þó svo að sigurinn hafi á endanum verið nokkuð öruggur. Fylkir byrjaði mjög vel í leiknum, komst í 0:2 og 1:3 en þá tóku leikmenn ÍBV við sér og fyrri hálfleikur var í jafnvægi. Undir lok hálfleiksins náði ÍBV þó tveggja marka forystu og staðan í hálfleik var 16:14.

Eyjakonur byrjuðu svo síðari hálfleikinn af miklum krafti, juku muninn strax í sex mörk, 20:14 og náðu mest átta marka forystu, 27:19. En þá slökuðu þær full mikið á klónni, Fylkir skoraði átta mörk gegn aðeins þremur mörkum ÍBV og munurinn allt í einu kominn niður í þrjú mörk, 30:27 og enn tæpar fimm mínútur til leiksloka. En Eyjaliðið kláraði leikinn af fagmennsku, skoruðu næstu þrjú mörk leiksins og innsigluðu þar með sigurinn.

Segja má að deildin sé að skiptast í tvo helminga, fimm efstu liðin og sex neðri. ÍBV er sem stendur í fimmta sæti með 10 stig eftir 8 leiki. Fram er í fjórða sæti með 12 stig eftir 9 leiki, Grótta í því þriðja með 13 stig eftir 8 leiki, Valur í öðru sæti með 14 stig eftir 8 leiki og Stjarnan með 15 eftir 8 leiki. Vonandi verður baráttan á toppnum áfram jöfn og spennandi en í neðri hlutanum eru HK, FH og Haukar með 6 stig og Selfoss, Fylkir og KA/�?ór með fjögur. �?ess má reyndar geta að HK, FH og KA/�?ór hafa aðeins leikið sjö leiki.

Mörk ÍBV: Vera Lopes 13, Guðbjörg Guðmannsdóttir 9, Thelma Amado 5, Díana Dögg Magnúsdóttir 4, Ester �?skarsdóttir 3, Drífa �?orvaldsdóttir 1.

Varin skot: Erla Rós Sigmarsdóttir 6, Dröfn Haraldsdóttir 6.